Bakını qrunt suları basır
Featured

04 Dekabr 2018

Bakıda bəzi ərazilərdə qrunt sularının səviyyəsində qalxma müşahidə olunur.

Ekologiya və Təbii Sərvətlər Nazirliyindən verilən xəbərə görə, Bakının Sabunçu rayonunda Maştağa-Zabrat subasma sahəsində atmosfer yağıntılarının təsirindən qrunt sularının səviyyəsi yüksəlir.

Şuşa şəhərciyi subasma sahəsində, Daş Karxanası yaşayış massivində də atmosfer yağıntılarının təsirindən qrunt sularının səviyyəsi qalxıb.

Sabunçu rayonunda Zabrat-Məhəmmədi, Savalan subasma sahələrində, Xəzər rayonunun Qala qəsəbəsində də eyni səbəbdən qrunt sularının səviyyəsi qalxır.

Binəqədi rayonunda Binəqədi 1-ci mədən yaşayış sahəsində, Binəqədi qəsəbəsinin Məlik Aslanov küçəsi və ətraf ərazilərdə atmosfer yağıntılarının təsirindən qrunt sularının səviyyəsində artım qeydə alınır.

Qeyd edilib ki, adı çəkilən ərazilərin hamısında subasma prosesinin dinamikasında stabil gərgin vəziyyət müşahidə olunub.(trend)

Top
JoomlaLock.com All4Share.net