"İsrafil Hüseynov" gəmisində partlayış-14 yaralı
Featured

09 May 2019

"Saipem" şirkəti dünən "İsrafil Hüseynov" gəmisində baş vermiş partlayışla bağlı məlumat yayıb.

Partlayışda yaralanan 14 nəfər Mərkəzi Neftçilər Xəstəxanasına çatdırılıb:

"Təəssüf ki, dünən saat 18:30 radələrində "Saipem" şirkəti tərəfindən əməliyyat işləri aparan "İsrafil Hüseynov" borudüzən gəmisində boru istehsal xəttində layihə ilə əlaqəli avadanlıqda baş verən bədbəxt hadisə nəticəsində yanğın hadisəsi olub. Yanğın zamanı 14 nəfər müxtəlif dərəcəli yanğın xəsarətləri alıb və hazırda "Citadel" gəmisi vasitəsi ilə Bakı sahilinə çatdırılıblar.

Yaralananlar dərhal Mərkəzi Nefçilər Xəstəxanasına yerləşdirilib. "Saipem" şirkəti gedişatı nəzarətə götürüb və müntəzəm olaraq yenilənən xəbərləri çatdıracaq. Baş vermiş hadisə zamanı gəmi heyətindən xəsarət alan olmayıb və hazırda gəminin gələcək təhlükəsizlik fəaliyyətinə səbəb olacaq risk yoxdur".

Qeyd edək ki, nazirlik reanimasiyada olanlardan 3-nün vəziyyətinin kritik olduğunu bildirib: "Bədənlərinin 40%-i yanıb. Stasionar şəraitdə olanlar 2-3 günə evə buraxılacaqlar".

Top
JoomlaLock.com All4Share.net