Azərbaycan bu bankdan 225 milyon avro borc alıb
Featured

09 Aprel 2018

Avropa Yenidənqurma və İnkişaf Bankının (AYİB) 2018-ci ilin yanvar-fevral aylarında Azərbaycana ayırdığı vəsaitlərin ümumi həcmi 225 mln. avro və yaxud 7,99% artaraq 2018-ci il martın 1-nə 3,042 mlrd. avro təşkil edib. Verilmiş borclarda özəl sektorun payı 7 faiz bəndi azalaraq 26% olub.

Bankın Azərbaycanda maliyyələşdirdiyi layihələrin sayı isə dəyişməyib və ilin əvvəlində olduğu kimi 165 olaraq qalıb.

Bu ilin yanvar-fevral aylarında Azərbaycanın AYİB-ə ödənişlərinin həcmi 139 mln. avro və yaxud 7,02% artaraq 2,119 mlrd. avroya çatıb. Bankın Azərbaycandakı əməliyyat aktivləri isə 152 mln. avro və yaxud 21,78% böyüyərək 850 mln. avro olub.

Hesabat dövründə AYİB-in ölkədə maliyyələşdirdiyi layihələr üzrə cari portfelin həcmi isə 242 mln. avro yaxud 20,58% artaraq 1,418 mlrd. avroya bərabər olub.

AYİB-in Azərbaycandakı aktiv layihə portfelində də dəyişiklik baş verib. Belə ki, bu layihələrin sayı 3 vahid yaxud 6% azalaraq 47-yə düşüb.

Bankın Azərbaycandakı portfelində isə dəyişiklik olmayıb. Belə ki, ötən ilin oktyabrından bəri səhm payı 2% olaraq olub.

AYİB-in cari portfelinin 49,37%-i yaxud 700 mln. avroluq hissəsi enerji, 42,38%-i yaxud 601 mln. avroluq hissəsi infrastruktur, 5,15%-i yaxud 73 mln. avroluq hissəsi sənaye, kommersiya və aqrobiznes, 45 mln. avroluq yaxud 3,17%-lik hissəsi isə maliyyə institutlaşması üçün ayrılıb.(virtualaz)

Top
JoomlaLock.com All4Share.net