Dünya ABŞ-a qarşı birləşdi
Featured

29 Mart 2019

BMT Təhlükəsizlik Şurası (TŞ) Qolan yüksəklikləri ilə bağlı iclas keçirib.

Təhlükəsizlik Şurası ABŞ prezidenti Donald Trampın işğalçı İsrailin Qolan yüksəklikləri üzərində suverenliyini tanımasından sonra Suriyanın tələbi üzərinə toplaşıb.

ABŞ-ın BMT-dəki daimi nümayəndəsinin siyasi koordinatoru Rodni Hunter iclasda çıxış edərək bildirib ki, Suriya rejimi və İran tərəfindən Qolan yüksəkliklərinə nəzarət edilməsinə icazə verilsə, İsrailə qarşı hücumlara göz yumulmuş olacaq: "Bu qərar İsrailin təhlükəsizliyi üçün həlledici strateji əhəmiyyətə malikdir və ABŞ, regionda sabitliyə töhfə verəcəyinə inanır".

Ancaq ABŞ iclasda tək qalıb, Şuranın digər 14 üzvü işğal altındakı bölgənin İsrail torpağı olduğunu bildirib. 

Rusiyanın BMT-dəki daimi nümayəndəsinin köməkçisi Vladimir Safronkov dünya nizamına qarşı çıxan bu qərarın uğursuzluğa məhkum olduğunu bildirərək ABŞ-ın təktərəfli aldığı bu qərarın heç bir beynəlxalq hüquqi sənədi dəyişməyəcəyini söyləyib.

Şuradakı Avropa İttifaqı üzvü olan ölkələr də ABŞ-ın qərarının TŞ-nin qərarları ilə tərs düşdüyünü bildirib.

Xatırladaq ki, Qolan yüksəklikləri 1967-ci ildə 6 günlük müharibə zamanı İsrail tərəfindən işğal edilib. 1981-ci ildə İsrail parlamenti Qolan yüksəklikləri üzərində bu ölkənin suverenliyini elan edib. Ancaq BMT Təhlükəsizlik Şurası 17 dekabr 1981-ci ildə qətnamə qəbul edərək İsrailin bu qərarını qanunsuz sayıb.

Top
JoomlaLock.com All4Share.net