Zəvvarlar üçün keçid məntəqəsində 24 yeni qapı açılıb
Featured

07 Oktyabr 2019

Ərbəinə gedən əcnəbi zəvvarlar üçün Şələmçə keçid məntəqəsində 24 yeni qapı açılıb.

Dünyanın ən böyük toplantısı - ƏRBƏİN yürüşündə iştirak edən əcnəbi zəvvarların gediş-gəlişini asanlaşdırmaq üçün Şələmçə sərhəd-keçid məntəqəsində 24 yeni qapı açılıb.

Bunu Xuzetan əyaləinin nəqliyyat və yollar idarəsinin baş direktoru Qulaməli Bəhraminiya deyib.

Q.Bəhraminiya deyib ki, yeni qapıların açılması ilə Şələmçə sərhəd – keçid məntəqəsində qapıların sayı 48-ə çatıb. "Bütün qapılarda əcnəbi zəvvarların gediş-gəlişi üçün şərait hazırdır. 24 yeni qapının açılması ilə izdiham yarandıqda əcnəbi zəvvarların keçidi problemsiz və sürətlə həyata keçiriləcək".

İran Daxili İşlər Nazirliyi elan edib ki, Ərbəin yürüşündə iştirak etmək üçün İran – İraq sərhədini keçərək getmək istəyən bütün əcnəbi vətəndaşlar yalnız Şələmçə keçid məntəqəsindən İraqa səfər edə bilər.

Qeyd edək ki, bir neçə gün öncə bağlanan Xosrəvi sərhəd-keçid məntəqəsi də bu gün rəsmən fəaliyyətini bərpa edib.

Xatırladaq ki, İran Daxili İşlər Nazirliyi bu gündən bütün sərhəd keçid mətnəqələrindən şəxsi avtomobillə gediş-gəlişi qadağan edib.

Hər il İmam Hüseyn (ə) və Kərbəla şəhidlərinin 40 mərasimi - Ərbəin münasibətilə milyonlarla müsəlman Kərbəla şəhərinə piyada yürüş edir. Ötən il 20 milyon insanın bu izdihamlı mərasimdə iştirak etdiyi bildirilir.

Bu il Ərbəin miladi təqvim ilə 19 oktybar tarixinə təsadüf edir. (maide.az)

Top
JoomlaLock.com All4Share.net