Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.
Cümə, 19 Yanvar 2018 23:31

20 Yanvar Şəhadətə aparan yol

"20 Yanvar hadisəsi dərindən öyrənilməyib və bunun tədqiqi aparılmalıdır...."

Bu gün Qarabağın Azadlığı Uğunda İslami Müqavimət Hərəkatının (QAUİMH) təşkilatçılığı ilə 20 Yanvar hadisələrinə həsr edilmiş "20 Yanvar - Şəhadətə aparan yol" adlı konfrans baş tutub.

Konfransı giriş sözü ilə açan QAUİMH sədri, Qarabağ qazisi Rövşən Əhmədli Azərbaycan xalqının ən qəmli, eyni zamanda ən şanlı günü olan 1990-cı il 20 yanvar tarixini xalqımızın müstəqlillik və azadlıq mübarizəsinin başlanğıc nöqtəsi adlandırıb: "Eyni zamanda müstəqillik yolunun ilk şəhidləri də məhz həmin günü Şəhadət zirvəsinə ucaldılar. Əslində 20 Yanvar Azərbaycanda şəhidlik məktəbinin yenidən dirçəlməsi tarixidir. Həmin gün azadlıq aşiqləri əliyalın olsa da, təpədən-dırnağa qədər silahlanmış ordunun qarşısına çıxdılar. Öz qanları ilə azadlıq toxumunu əkərək suvardılar.

Təəssüf ki, 20 yanvar hadisəsi dərindən öyrənilməyib. Bu şanlı tariximizin tədqiqi aparılmalı və ictimaiyyət maariflənməlidir".

Tədbirdə çıxış edən Azərbaycan Ziyalılar Birliyinin sədri Eldəniz Quliyev qeyd edib ki, həmin hadisələrin şəxsən iştirakçısı olub: 20 yanvarda törədilən vəhşiliklər bu gün də gözümün önündədir. Bu Rusiyanın bizə qarşı olan nifrəti idi. Çünki xalqla bu cür davranmaq illər boyu yığılmış bir nifrətin təzahürü ola bilərdi. 20 yanvar hadisələrinin katalizatoru Qarabağ məsələsi və Xalq hərəkatı idi. Bunun qarşısını almaq üçün belə bir addım atdılar. Bu gün də belədir. Dünənimizi dəyərləndirməliyik, çünki artıq realdır və baş verib. Lakin bu günün içində olduğumuz üçün nəticəsinin necə olacağını bilmirik. Ona görə də dünənimizə baxıb nəticələr çıxarmalıyıq. Xalqımız bu baxımdan gələcək xoş günlər görmək və faciələrdən xilas olmaq üçün bir olmalıdır."

Çıxış edən tarix üzrə fəlsəfə doktoru Diləvər Əzimli bildirib ki, 20 Yanvar Azərbaycana qarşı növbəti soyqrımdan biri idi ki, əsası 1918-ci ildə qoyulmuşdu:"Həmin vaxt  Şaumiyanın planı eyni ilə Bakıya hansı yolla girdilərsə, 20 yanvarda da eyni plan icra olundu. 

Bu hadisələr eyni zamanda xalqın bir araya gəlməsinə səbəb oldu. Azərbaycan xalqı qəhrəmanlıq tarixini yazdı".

Çıxış edən AİP sədr müavini Akif  Heydərli qeyd edib ki, Sovet imperiyasın 20 Yanvarda Azərbaycana hücumu xalqın müqavimətini qırmaq məqsədi daşıyırdı. Lakin əksinə olaraq müqavimət hərəkatının başlanğıcı oldu. Bu əslində imperiyanın son akkordları idi. 

Milli Şuranın Koordinasiya Mərkəzinin üzvü İbrahim İbrahimli, iqtisadçı Vahid Məhərrəmov və başqaları çıxış edərək 20 Yanvar tarixinin xalqımızın qəhrəmanlıq rəmzi olduğunu diqqətə çatdırıblar. Çıxış edənlər müstəqillik tariximizin şanlı səhifəsi olan bu günü Azərbaycanın dirçəlməsi və mübarizə məktəbinin inkişafına xidmət etdiyini bildiriblər. 

Ruhani Hacı Əfqan Muradlı bildirib ki, 20 Yanvar şəhidlik məktəbini dirçəltdi: "O vaxta qədər biz şəhid deyəndə Kərbəla yada düşürdü. Lakin bu hadisədən sonra Vətən şəhidləri anlayışı yarandı.  Bu bizim  mübarizə məktəbimizin balanğıcı oldu." 

Konfrans müxtəlif müzakirələrlə öz işini davam etdirib.

Barəsində Almaniyadan deportasiya qərarı çıxarılan azərbaycanlı ailə ilə polis arasında insident yaşanıb. Almaniyanın "WDR1" saytının yazdığı məlumata görə, hadisə yanvarın 18-də, yerli vaxtla saat 3 radələrində Gütersloh şəhərində baş verib. Bildirilir ki, bir neçə dəfə ölkə sərhədlərini pozaraq Almaniyaya girmiş ailənin deportasiyasına qərar verilib. Qərarla razılaşmayan ailə onları yataqxanadan çıxarmağa gələn işçi qrupuna qarşı çıxıb.

Şəhər məhkəməsinin sözçüsü Sven-Georg Adenauer deyib ki, səlahiyyətli şəxslər ailəni çıxarmaq üçün yerləşdiyi yataqxanaya gediblər. Ölkəni tərk etmək istəməyən ailənin başçısı polisin silahını alaraq bir neçə dəfə göyə atəş açıb. O, Miqrasiya Xidmətinin və Təhlükəsizlik Xidmətinin əməkdaşlarını girov götürüb. Polis isə hadisə yerindən qaçıb.

Xüsusi təyinatlı qrupun müdaxiləsi ilə azərbaycanlı zərərsizləşdirilib. Polisin bildirdiyinə görə, hadisə zamanı deportasiya edilmək istəməyən kişinin həyat yoldaşı da özünə bıçaqla xəsarət yetirib.

Məlumatda bildirilir ki, azad olunmuş girovlara psixoloji yardım göstərilir.

Hadisə yerində olan polis Sonja Rehmert "Bild.de" saytına deyib ki, birdən adam polis məmuruna hücum etdi və xidmət silahını aldı. Sonra bir neçə atəş açıldı. Həkim və polis evdən qaçdı. İmmiqrasiya şöbəsinin əməkdaşı və təhlükəsizlik işçisi girov kimi qaldı. Dərhal həyəcan siqnalı verildi.

İnsident yatırılandan sonra yaralı qadın xəstəxanaya aparılıb, hadisəni törədən kişi isə həbs edilib.

Faktla bağlı cinayət işi açılıb.

Çərşənbə axşamı, 16 Yanvar 2018 15:51

İƏT-in 13-cü konfransı Tehranda başladı

İslam Əməkdaşlıq Təşkilatı (Organisation of İslamic Cooperation) Parlament Assambleyasının 13-cü konfransı İranın paytaxtı Tehranda öz işinə başlayıb.
 
Konfransda İran prezidenti Həsən Ruhani və parlament sədri Əli Laricani də iştirak edir.
 
Konfransda Fələstin məsələsi, siyasi münasibətlər, insan haqları, mədəni və hüquqi əlaqələr, dinlərarası dialoq və sair mövzuda müzakirələr aparılacaq.
 
Konfransda 41 İslam ölkəsindən olan parlament sədrləri, sədr müavinləri və nümayəndələri iştirak edir.
 
Konfrans sabah yekun bəyannamə ilə başa çatacaq.
Çərşənbə axşamı, 16 Yanvar 2018 13:56

Jurnalistə türmədən çıxmağa imkan vermədilər

Həbsdə olan azel.tv saytının təsisçisi redaktoru Əfqan Sadıqova qarşı yeni cinayət işi açılıb.

"Turan" xatırladır ki, Azel.tv saytının təsisçisi və redaktoru Əfqan Sadıqov 2016-cı il noyabrın 22-də saxlanılıb. O, icra hakimiyyətinin binasında qadını vurmaqda ittiham olunub.

O, 2017-ci il yanvarın 12-də 127.2.3-cü (xuliqanlıq niyyəti ilə təhlükəli üsulla sağlamlığa qəsdən az ağır xəsarət yetirmə) maddə ilə mühakimə olunub.

Amma noyabrın 7-də Ali Məhkəmə ittihamı 127.1-ci (sağlamlığa həyat üçün təhlükəli olmayan az ağır xəsarət yetirmə) maddəyə tövsif edib və həbs cəzasını 1 il yarıma endirib.

İndi, cəza müddətinin başa çatmasına üç ay qalmış onun həbs müddəti uzadıla bilər.

147.2-ci (ağır cinayət törətmək barədə böhtan) maddə ilə onu 3 ilədək azadlıqdan məhrumetmə cəzası gözləyir.

Yaxınları hesab edirlər ki, jurnalist rayonda hüquq pozuntuları barəsində tənqidi məqalələrinə görə həbs olunub.

1 -dən səhifə 843
Top
JoomlaLock.com All4Share.net