Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.
Çərşənbə, 15 Avqust 2018 13:22

Qurban bayramının vacib əməlləri

QMİ Qurban bayraml ilə bağlı tövsiyələrini açıqladı

QMİ-nin mətbuat xidmətindən verilən məlumata görə, tövsiyələrdə qurban kəsməyin Həcc ziyarətində olan zəvvarlar üçün vacib olduğu bildirilir: "İslam Aləminin ən əziz və müqəddəs günlərindən biri - “Eydül-Əzha” - Həzrət İbrahim peyğəmbər əleyhissəlamın adı ilə bağlı olan Qurban bayramı günü Uca Allah tərəfindən müsəlman ümmətinin böyük sevinc və fərəh məqamı kimi qərar verilmişdir.

Müqəddəs Qurban bayramı əsrlər boyu insanların həmrəyliyinə, mənəvi saflaşmasına və imanlarının kamilləşməsinə xidmət edir. Hər bir imkanlı müsəlman üçün vacib buyurulan Həcc mərasiminin ən şərafətli məqamı olan, günahların Allah tərəfindən bağışlanmasını və Uca Yaradana şükr-sənanı təcəssüm etdirən mübarək Qurban bayramı ərəfəsində Qafqaz Müsəlmanları İdarəsi Azərbaycan xalqını və bütün müsəlmanları təbrik edir, bu əziz günlərdə Uca Yaradandan hamıya mərhəmət və məğfirət diləyir.

Azərbаycаn üfüqündə Zül-hiccə ayının hilalının görünməsinə uyğun olaraq Qurbаn bаyrаmı Zül-hiccənin 10-na, Miladi təqvimlə 22 avqust tarixinə təsadüf edir. Bayram münasibətilə iki gün dövlətimiz tərəfindən qeyri-iş günü elаn edilib. Dindarlar adından, Qurban bayramının layiqli şəkildə keçirilməsinə imkan və şərait yaradan dövlətimizə dərin minnətdarlığımızı və xeyir-dualarımızı çatdırırıq. Bu müqəddəs günlərdə Vətənimizin xoşbəxt gələcəyi, xalqımızın rifah və səadəti, işğal altında olan torpaqlarımızın azad olunması, dövlətçiliyimizin tərəqqisi üçün dualar edirik.
Bildiririk ki, qurban kəsmək əsasən Məkkədə Həcc ziyarətində olan zəvvarlara vacibdir. Digər yerlərdə isə imkanlı adamların qurban kəsmələri Allah-Təala yanında bəyənilmiş - müstəhəb əməllərdən hesab olunur. Qurban ətindən fəqir və kasıb ailələrə paylamaq gərəkdir ki, onlar bayram ab-havasını yaşasınlar - bu böyük savabdır.

Qurban kəsilən heyvan sağlam və kök olmalıdır. Xəstə, arıq və qüsurlu heyvanlar qurbanlığa layiq və məqbul sayılmır. Qurban qoyun, keçi, öküz, inək və dəvə olmalıdır.

Bu heyvanlar müəyyən yaş həddinə çatmalıdır. Keçi və qoyunun bir, öküz və inəyin iki, dəvənin isə beş ili tamam olmalıdır. Qurban ətinin satılması haramdır. Xırdabuynuzlu heyvan (qoyun, keçi) bir nəfər üçün kəsilməlidir. Bir neçə şəxs cəmləşib bir iribuynuzlu heyvanı qurban kəsə bilər. Yaxşı olar ki, bu zaman bölgü aparanda həmin şəriklər biri-birinə halallıq versinlər. Qurbanlıq əsasən üç hissəyə bölünür: bir hissəni qurban sahibi özünə götürə bilər, digər hissənin fəqir və kasıb ailələrə, üçüncü hissənin isə hədiyyə kimi qohum-əqrəbalara paylanması tövsiyə olunur.
Qurbanlıq heyvan, şəriət qaydalarına uyğun olaraq kəsilərkən “Bismillаhi və billаhi vəllаhu əkbər” deyilməlidir. Qurbаn duаsının охunması məsləhətdir.

Tövsiyə edərdik ki, bu müqəddəs bayram günlərində qurbanların kəsilməsi baytarlıq və sanitariya qayda-qanunlarına ciddi əməl olunmaqla münasib yerlərdə icra edilsin. Həmçinin, qurbanların azyaşlı uşaqların, habelə heyvanların gözü qarşısında kəsilməsi məsləhət deyil.

Dünya müsəlmanlarının ən şərafətli bayramlarından olan, İnsаnı öz Yаrаdаnınа yахın edən Qurbаn bаyrаmının sevincini valideyinlər, doğmalarla yanaşı qаçqın, köçkün, kimsəsiz sоydаşlаrımızа, mаddi sıхıntı çəkən insаnlаrа da yаşаtmаq, оnu hаmı ilə birgə könül хоşluğu ilə keçirməк savabdır. Qurban kəsməyə imкаnı оlmаyаnlаrın Qurbаn günü ibadət və duaları da Allah-Təala yanında savab əməllərdəndir.

Аllаh-Təаlаnın insаnlаrın mənən sаflаşmаları və həmrəyliyə nail olmaları məqsədilə qərаr verdiyi bu bаyrаm günlərində kəsdiyiniz qurbаnlаrı, verdiyiniz ehsanları, etdiyiniz duaları qəbul etsin. Allah Vətənimizi hifz etsin. Аmin!"

Çərşənbə, 15 Avqust 2018 13:07

Nikol Paşniyan əsgər oğlu ilə fəxr edir-FOTO

Ermənistanın baş naziri Nikol Paşniyan 9 iyulda Qarabağda əsgəri and içmiş oğlu Aşot Paşniyanın şəklini paylaşıb.

Vetenugrunda.z-ın erməni mətbuatına istinadən verdiyi xəbərə görə, Nikol Paşniyan sosial şəbəkədə oğlu Aşot Paşniyanın əsgəri and içərkən çəkilmiş şəklini paylaşıb.

O, şəklin altına "Oğlum əsgəri and içərkən" sözlərini yazıb.

Qeyd edək ki, Aşot baş nazirin yeganə oğludur. Aşotun iki bacısı var.

Çərşənbə, 15 Avqust 2018 12:39

Ermənilər Şuşadakı muzeyi böyüdürlər

Bədnam qonşumuz işğal etdikləri Azərbaycan torpağında yaratdıqları muzeyin ərazisini son illərdə bir neçə dəfə genişləndiriblər.

Muzeyin ekspozisiyasında ermənilər mənimsədikləri Qarabağ torpaqlarından tapılan Azərbaycanın tarixi arxeoloji tapıntı nümunələri, maddi-mədəniyyət abidələri, etnoqrafik, epiqrafik, numizmatik nümunələri erməni tarixi kimi təqdim edirlər.

Bundan başqa, ermənilər bu ərzilərə qanunsuz turlar təşkil edirlər və xarici turistləri bir neçə ildir fəaliyyət göstərən muzeyə gətirərək burada olan nümunələri erməni tarixi eksponatları kimi nümayiş edirlər.

İşğal olunmuş torpaqlarda qurulan separatçı rejimin rəhbərləri Qarabağa qeyri-qanuni dəvət etdikləri xarici nümayəndələri belə bu muzeyə aparmaqdan çəkinmirlər.(unikal.org)

Çərşənbə, 15 Avqust 2018 12:34

Qədim qala aşkarlandı - Azərbaycanda (FOTO)

İmişli rayonunda qədim qala aşkarlanıb.

Azərbaycan Milli Elmlər Akademiyasının nümayəndələri tərəfindən Qızıltəpə ərazisində ilk dəfə aparılan arxeoloji qazıntılar zamanı bir çox maddi-mədəniyyət nümunələri tapılıb.

Hətta Qızıltəpənin müdafiə xarakterli və ciddi qorunan bir qala olduğu aydınlaşıb. İki hissədən ibarət olan Qızıltəpə 5 hektardan çox ərazini əhatə edir. 25 metrə yaxın hündürlüyü olan tarixi abidədən ətrafı çox yaxşı müşahidə etmək olur. Bu yerin bir özəlliyi də ondan ibarətdir ki, qala tamamilə su hövzəsi ilə əhatə olunub.

Eyni zamanda müşahidələr zamanı qalanın digər tarixi abidələrlə perpendikulyar yerləşməsi müəyyənləşib. Bundan başqa, araşdırma zamanı hündürlüyün ətrafında qala divarlarının qalıqlarına rast gəlinib.

Qalanın üst qatında aparılan qazıntı zamanı orta əsrlərə aid tarixi əşyalar üzə çıxıb. Həmçinin burada arxeoloqlar tərəfindən ilk dəfə rast gəlinən yaşı min ildən çox təndir, bununla bərabər, maddi-mədəniyyət nümuələri aşkar ediblər.

Üzərində rəngli naxışlar olan, həmçinin əl işləri ilə döymələr vurulan bir çox məişət əşyası üzə çıxıb. Qazıntının ilk mərhələsi bu yerin orta əsrələrə aid olduğunu göstərsə də, arxeoloqlar hesab edir ki, dərin qatlarda daha qədim tarixə maik izlərə rast gəlmək olar.(report)

5 -dən səhifə 1058
Top
JoomlaLock.com All4Share.net