Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Vətəndaşlar 4 aydır əmək və əhalinin sosial müdafiəsi naziri təyin olunan Sahil Babayevin qəbuluna gəliblər. Çərşənbə axşamı səhər saat 11-dən 1-ə qədər nazirin qəbuludur. Amma qəbula gələnlər nazirlə görüşə bilmirlər.

Vətəndaşlar iş, əlillik pensiyasının artırılması, ünvanlı sosial yardımın verilməsi ilə bağlı müraciətə gəliblər. Onlar bir neçə ildir nazirliyə ayaq döydüklərini, amma dərdlərinə çarə olmadıqlarını deyirlər.

Nazirliyin ictimaiyyətlə əlaqələr şöbəsinin müdiri Fazil Talıbov bildirib ki, vətəndaşlar nazirlə görüşmək üçün əvvəlcədən qəbula yazılmayıblar.

Fazil Talıbov Güllər Qasımovanın problemi ilə bağlı bildirib ki, ünvanlı sosial yardımın verilməsi elektron aparılır, burada məmur müdaxiləsi qeyri-mümkündür. O, əlavə edir ki, şikayətçi məlumatları düzgün doldurmadığına, kommunal xərcləri səhv göstərdiyinə görə ona ünvanlı sosial yardım verilməsindən imtina olunub. Bununla belə Güllər Qasımova Nərimanov rayon Dövlət Sosial Müdafiə Fondu şöbəsinə dəvət olunacaq və orada onun problemi araşdırılacaq.

Şükür Camalovun maşın probleminə gəlincə, nazirliyin sözcüsü bildirib ki, siyahı online şəkildə nazirliyin elektron ünvanında var, vətəndaş orada növbəsinə baxa bilər. Fazil Talıbov Əbülfət Baxşəliyevin yaşadığı yer üzrə Məşğulluq İdarəsinə müraciət etməsini məsləhət görüb.

Vətəndaş orada təklif olunan iş yerlərini seçə bilər. Böyüklərin problemi həll olunmasa da, qəbula gələn uşaqlar nazirliyin binasından istədikləri gülü dərib məmnun gedirlər.(meydantv)

Avqustun 14-də Bakı Ağır Cinayətlər Məhkəməsində AXCP Gənclər Komitəsi Ali Məclisinin üzvü Orxan Baxışlının məhkəmə prosesi baş tutub.

Vetenugrunda.az-ın verdiyi xəbərə görə, Orxan Baxışlının işinə Mahmud Ağalarovun sədrlik etdiyi hakimlər kollegiyası baxır.

Avqustun 14-də məhkəmənin hazırlıq iclası keçirilib. İclas təyin edildiyi vaxtdan çox gec başlayıb və qapalı şəraitdə baş tutub. Məhkəməni iştirak etməyə gələnləri, o cümlədən O.Baxışlının valideynlərini prosesə buraxmayıblar. 

Hazırlıq iclasında O.Baxışlının vəkili Elçin Sadıqov bir neçə vəsatət qaldırıb. O, hüquqlarını müdafiə etdiyi şəxs barəsində cinayət işinə xitam verilməsini, həbs-qətimkan tədbirinin dəyişdirilərək onun ev dustaqlığına buraxılmasını istəyib.

Elçin Sadıqov O.Baxışlının işində hal şahidi kimi adı keçən, onun cibindən narkotik çıxdığını iddia edən adamların narkotikə görə məhkum olunmuş şəxslər olduğunu bildirib və qeyd edib ki, onlar başqa cinayət işlərində də hal şahidi kimi iştirak ediblər.

Vəsatətlərin heç biri təmin olunmayıb.

Məhkəmə baxışı avqustun 24-nə təyin olunub.

YADDAŞ

O.Baxışlı mayın 6-da saxlanılıb. Onun üzərindən 6 qram heroin tapıldığı iddia olunur. Gənc fəal ittihamı rədd edir, narkotikin cibinə polislər tərəfindən atıldığını deyir.

Orxan Baxışlı mərhum jurnalist Elmar Hüseynovun

məzarı önünüdəki bu çıxışından sonra həbs edildi

AXCP-dən isə bildirilib ki, O.Baxışlı həbsindən bir neçə gün öncə - mayın 3-də Beynəlxalq Söz Azadlığını Müdafiə Günü ilə əlaqədar mərhum jurnalist Elmar Hüseynovun məzarı önündə etdiyi çıxışa görə cəzalandırılıb. Həmin çıxışda gənc fəal E.Hüseynovun bu hakimiyyət tərəfindən qətlə yetirildiyini bildirib.

AXCP sədri Əli Kərimli məhkəmədən sonra çıxış etdi

Arzu Arzu Abdull Abdulla adlı şəxsin şəkli.

Arzu Arzu Abdull Abdulla adlı şəxsin şəkli.

Arzu Arzu Abdull Abdulla adlı şəxsin şəkli.

Çərşənbə axşamı, 14 Avqust 2018 21:11

Bakıda da dollar yandırdılar-VİDEO

Bakıda Türkiyə səfirliyinin qarşısında Ankaraya qarşı tətbiq edilmiş sanksiyalara və ABŞ-ın siyasətinə qarşı aksiya keçirilib.

Etirazçılar "Yaşasın Türkiyə, yaşasın Ərdoğan!", "Rədd olsun dollar" və başqa şüarlar səsləndiriblər.

Daha sonra aksiyanın itirakçıları bildirib ki, bu gün Azərbaycan, Pakistan, Qətər və Mərkəzi Asiya dövlətləri Türkiyənin yanındadırlar. ABŞ 15 il ərzində Türkiyə ilə bacara bilmədi və indi orada maliyyə böhranı yaratmaq istəyir.

Sonra aksiya iştirakçıları nümayişkaranə şəkildə dollarları yandırıblar. Lakin videodan da göründüyü kimi, dollarlar əsl əskinas deyil, printerdə çap edilmiş adi kağızdır.

 

Çərşənbə axşamı, 14 Avqust 2018 01:25

Qara gavalının faydaları

Quru meyvələr orqanizm üçün çox faydalıdır. Onların tərkibində müxtəlif vitaminlər, minerallar, bioloji aktiv maddələr var.

Qara gavalı ən faydalı quru meyvələrdən biridir. Onun tərkibində A, PP, C, B1, B2 vitaminləri, dəmir, kalium, fosfor, maqnezium, pektinlər, orqanik turşular və s. faydalı maddələr var. Qara gavalı və onun dəmləməsi müxtəlif xəstəliklər zamanı müalicəvi vasitə kimi geniş istifadə olunur.

- Qara gavalı virus və bakteriya əleyhinə təsirə malikdir, insanın immun sistemini möhkəmləndirir, orqanizmin tonusunu yüksəldir. Bu səbəbdən qara gavalı dəmləməsi qripp və soyuqdəymə xəstəlikləri zamanı çox faydalıdır. 4-5 qara gavalı yaxşı yuyulur, üzərinə 1 stəkan qaynar su əlavə olunur və 1 saat ərzində dəmlənilir.

Daha sonra meyvələri sudan çıxarın (onları yemək olar), dəmləməyə 1 çay qaşığı bal əlavə edin və qəbul edin. Bu dəmləmə orqanizmdə xəstəlik nəticəsində əmələ gələn toksinləri xaric etməyə kömək edir, xəstənin vəziyyətini yüngülləşdirir. Dəmləməni termosda hazırlamaq daha yaxşıdır. Axşamdan qara gavalını termosda dəmləyin və səhər qəbul edin.

- Qara gavalı kariyeslə və damaq iltihablarla mübarizə aparır, ağız boşluğuna antiseptik təsir edir. Həkimlər hər gün 2-3 gavalı yemək tövsiyə edirlər.

- Qara gavalı kaliumla zəngindir. Bu mineral ürək əzələsini möhkəmləndirir, orqanizmdən artıq mayeni xaric edir. Bu səbəbdən ürək xəstəlikləri olan insanlar hər gün qara gavalı yeməli və onun dəmləməsini içməlidir.

- Qara gavalı və onun dəmləməsi antiseptik və sidikqovucu təsirə malikdir. Bu səbəbdən qara gavalı dəmləməsi böyrəklər, sidik kisəsi və sidik yolları iltihabları zamanı qəbul etmək yaxşıdır.

- Qara gavalı qəbizliklə mübarizədə çox yaxşı kömək edir. Qara gavalı bağırsaqların fəaliyyətini gücləndirir, bağırsaqlara antiseptik təsir edir (burada yaşayan ziyanlı mikrobları öldürür).

Qəbizlikdən əziyyət çəkən insanlar axşamdan termosda 1 stəkan qaynar suda 4-5 gavalı dəmləməli, səhər acqarına bu dəmləməni ilıq halda içməli və meyvələri yeməlidir. Bunu uzun müddət ərzində etmək lazımdır. Belə təbii dərman həm dadlı, həm təsirli, həm də ziyansızdır.

6 -dən səhifə 1058
Top
JoomlaLock.com All4Share.net