Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.
Bazar, 14 Oktyabr 2018 16:59

Unudulmayan şairin doğum günü

Bu gün sevimli şairimiz Məmməd Arazın doğum günüdür. O, 14 oktyabr 1933-cü ildə Şahbuzun Nursu kəndində dünyaya göz açıb.

Azərbaycan şairi,tərcüməçi, publisist, Azərbaycan SSR Əməkdar mədəniyyət işçis, Azərbaycan Əməkdar incəsənət xadimi, Azərbaycan SSR dövlət mükafatı laureatı, Azərbaycanın xalq şairi Məmməd Araz Azərbaycan Pedaqoji İnstitutunda təhsil aldığı illərdə yazıçı İsmayıl Şıxlının rəhbərlik etdiyi ədəbiyyat dərnəyinin məşğələlərində fəal iştirak edir. Burada bəyənilən "Yanın, işıqlarım" şeiri 1952-ci ildə çap edilib.

Ali təhsilini başa vuran Məmməd Araz əmək fəaliyyətinə doğma kəndindəki orta məktəbdə müəllimliklə başlayıb, sonra Bakıya köçüb Azərbaycan SSR Nazirlər Soveti yanında Baş Mətbuat İdarəsində müvəkkil işləyib. 1959-1961-ci illərdə Moskvada Yazıçılar İttifaqı nəzdindəki Ali Ədəbiyyat Kurslarının müdavimi olub. Sonra "Ulduz" jurnalının məsul katibi, "Ədəbiyyat və incəsənət" qəzetində, Azərbaycan Dövlət Nəşriyyatında baş redaktorun müavini, "Azərbaycan Təbiəti" jurnalının baş redaktoru vəzifələrində çalışıb.

Uzun müddət Azərbaycan Yazıçılar İttifaqının poeziya bölməsinə rəhbərlik edib. Xidmətlərinə görə Azərbaycan Respublikasının İstiqlal ordeni və Azərbaycan SSR Ali Soveti Rəyasət Heyətinin Fəxri Fərmanları ilə təltif edilib. Hacı Zeynalabdin Tağıyev adına milli mükafatın laureatıdır. Onun adına "Məmməd Araz" mükafatı təsis olunub.

2004-cü ilin 1 dekabrında Bakıda vəfat edib və Fəxri Xiyabanda dəfn olunub.

Məmməd Arazın adının əbədiləşdirilməsi ilə bağlı Azərbaycan Respublikası Prezidenti iki dəfə Sərəncam imzalayıb. Bakının "Gənclik" metro stansiyası yaxınlığında, Atatürk prospekti ilə kəsişən Teymur Əliyev küçəsi Məmməd Arazın adını daşıyır.

"Sevgi nəğməsi", "Üç oğul atası", "Araz axır", "Mən səni taparam", "Anamdan yadigar nəğmələr", "Ömür karvan, "İllərdən bəri", "Qanadlı qayalar", "Atamın kitabı", "Həyatın və sözün rəngləri", "Oxucuya məktub, "Aylarım, illərim", "Dünya sənin, dünya mənim", "Dünya düzəlmir, "Daş harayı", "Qayalara yazılan səs", "Yol ayrıcında söhbət", "Sənətdə son mənzil olmur", "Ağlayan qayalar", "Vətən deyin", "Əsgər andı" və digər kitabların müəllifidir.

Məmməd Araz eyni zamanda dünya ədəbiyyatından dilimizə etdiyi tərcümələrlə də Azərbaycan oxucusunun zəngin mütailə sahibi olmasına kömək edib. Onun rus dilindən ana dilimizə çevirdiyi Mixalkovun, Ağacanyanın, Svetlovun, Nekrasovun, və dünya şairlərinin şeirlərindən ibarət "Ocaq başında" kitabları sovet dönəmində oxucular arasında geniş yayılmışdı.

Bu gün son nəfəsinə qədər düşmənə qan udduran və döyüş meydanında Şəhadət zirvəsinə ucalan Milli Qəhrəman Samid İmanovun doğum gündü. 

Vetenugrunda.az oxucularına Samid İmanovu təqdim edəcək.

Samid İmanov 1981-ci ilin 14 oktyabr günündə Neftçala rayonunun şimalında, Kür çayının sahilində yerləşən Həsənabad qəsəbəsində (dövrün Sovetabad qəsəbəsi) Gülağa və Xuraman İmanovların ailəsində anadan olub. 

Samid İmanov 1988-ci ildə Neftçala rayonu 1 nömrəli tam orta məktəbinin birinci sinfinə qədəm qoyub. Məktəbi bitirdikdən sonra o, Heydər Əliyev adına Ali Hərbi Məktəbə qəbul olub. Hərbi məktəbi fərqlənmə diplomu ilə bitirdikdən sonra prezident Heydər Əliyev onu mükafatlandırdı.

2004-cü ilin iyun ayından müxtəlif illərdə Xüsusi Təyinatlı Qüvvələrin hərbi hissəsində qrup komandiri müavini, qrup komandiri, bölük komandiri, dəstə komandiri və hərbi hissənin qərargah rəisi vəzifələrində xidmət edib.

Heydər Əliyev adına Ali Hərbi Məktəbi fərqlənmə diplomu ilə bitirən gənc zabit Samid İmanov özünü pəşəkar hərbçi kimi formalaşdırmaq üçün durmadan çalışıb. Elə bu yolda Samid İmanov Türkiyə Respublikasında "Daxili təhlükəsizlik əməliyyatlarının planlaşdırılması və icrası", "Komando təlimi və paraşütdən sərbəst atlamaq" kurslarına qatılıb. 2007-ci ildə "Anadolu-2007" və "Anadolu Qartalı-2007" birgə taktiki təlimlərlə yanaşı Samid İmanov həmdə Pakistanda "Ləpirçi və antiterrorist", İsveçrədə "Dağ təlimi", Rumıniyada isə "Dağa dırmanma üzrə təlimatçı" kurslarında iştirak edib. 

2014-cü ilin avqust ayının əvvəllərində Azərbaycan-Ermənistan təmas xəttində baş verən atışma zamanı Samid İmanovun rəhbərliyi altında onun dəstəsi qarşı tərəfə keçdi və əməliyyat keçirdi. Döyüş nəticəsində Ermənistan Silahlı Qüvvələrinin 20 hərbi qulluqçusu məhv edildi.

Samid İmanov həmdə bir müddət Azərbaycan Respublikası Müdafiə Naziri general-polkovnik Zakir Həsənovun mühafizə xidmətinin rəisi olub. Daha sonra isə mayor İmanov öz istəyi ilə yenidən Xüsusi Təyinatlı Qüvvələrin hərbi hissəsinə qayıdıb, hissənin qərargah rəisi və Xüsusi Təyinatlı Qoşunun komandasının köməkçi vəzifəsini icra edib.

Samid İmanov 2015-ci il 9 mayda Rusiya Federasiyasının Moskva şəhərində, "Qırmızı meydan"-da faşizm üzərində qələbənin (1941-1945) 70 illiyi ilə bağlı baş tutan hərbi parada qatılıb. Bununla bağlı ona medalda təqdim olunub. 

Mayor Samid İmanov 2016-cı ilin aprel ayının əvvəlində sonuncu döyüşə qatılıb. Azərbaycan-Ermənistan təmas xəttində 24 il fasilədən sonra başlayan amansız döyüşlərdə Samid İmanov Tərtər rayonunun Talış kəndi istiqamətində dğyüşüb. 

Aprelin 3-dən 4-nə ötən gecə döyüş zamanı mayor İmanov neytral ərazidə ayağından və çiynindən qəlpə yarası alıb. Əsgərlər onu döyüş meydanından aparmaq istəsədə, Samid İmanov buna qəti sürətdə etiraz edərək, onun əvəzinə yaralı gizirin çıxarılması əmrini verib.

Yaralı giziri döyüş meydanından çıxaran əsgərlər həmin ərazinin artıq təhlükəli olmasına baxmayaraq Samid İmanovu aparmaq üçün yenidən döyüş meydanına qayıdır. Amma mayor İmanov artıq orada deyildi. Samid İmanov əsgərləri ərazidən uzaqlaşandan sonra erməni tərəfə əsir düşməmək üçün oradan uzaqlaşır. Bütün mərmiləri qurtaran mayor İmanov düşmənə sağ əsir düşməmək üçün əlində qumbara saxlayır. Səhərə gədər əsgərlər ona tapmır.

Mayor Samid İmanov isə son nəfəsinə qədər düşmənlə döyüşür və həddindən artıq qan itirdiyi üçün Şəhid olur.

Aprelin 8-i Samid İmanovun nəşi neytral ərazidən götürülüb və doğma Neftçala rayonuna aparılıb.

Aprelin 9-u isə mayor Samid İmanov anadan olduğu Neftçala şəhərinin Şəhidlər Xiyabanında izdihamla son mənzilə yola salınıb. 

2016-cı ilin 19 aprelində Samid Gülağa oğlu İmanova ölümündən sonra "Azərbaycanın Milli Qəhrəmanı" adı verilir.

Samid İmanov 2013-cü ilin 16 iyun günündə dayısı qızı Badam xanım ilə ailə həyatı qurub. Şəhidimizin bizə iki övladı Fidan adlı bir qızı və Turan adlı bir oğlu əmanət qalıb.

Ruhu şad olsun!  

Azərbaycan -İsrail Geopolitik İnnovasiyalar Mərkəzinin sədri, İsmayıl Zalov Azərbaycan Xalq Cəbhəsi Partiyasının (AXCP) sədri Əli Kərimlini təhqir edən videosunu paylaşıb. O, videoda bir meymunla oynayır və Əli Kərimli haqqında etikadan kənar, əxlaqa zidd ifadələr işlədir.

Bazar, 14 Oktyabr 2018 01:07

Nemət Pənahlı həbs edilib

Partiya sədri polisə müqavimət göstərməkdə təqsirləndirilir

Milli Dövlətçilik Partiyasının sədri Nemət Pənahlı polisə müqavimətdə təqsirləndirilərək, 30 sutka inzibati həbs cəzası alıb. Oktyabrın 12-də Nəsimi Rayon Məhkəməsində onun haqqında qərar çıxarılıb.

N.Pənahlının məhkəmə qərarından sonra Binəqədidə yerləşən, inzibati qaydada həbs olunanların saxlandığı təcridxanaya köçürüldüyü bildirilir.

Lakin həyat yoldaşı Həcər Pənahlı onun polisə müqavimətə görə həbs olunduğunu düşünmür. Onun fikrincə, həyat yoldaşı siyasi mövzuda açıqlamalarına, müsahibələrinə görə cəzalandırılıb: "Əlbəttə ki, polisə müqavimət ittihamı yalandır. O, günorta saat 12-də getdi, bir saata qayıtmalıydı. Axşama qədər gəlmədi, nigaran qaldıq. Çünki telefonuna da zəng çatmırdı. Axşam gördük ki, maşını da həyətdədir.

Uşaqlardan biri onun maşını saxlayıb bloka tərəf gəldiyini görübmüş. Deməli, onu binanın qarşısından aparıblar. Orada polisə nə müqavimət? Gözləyiblər, evə gələndə götürüb aparıblar".

H.Pənahlı bildirib ki, həyat yoldaşının gəlmədiyini görəndə gecə saatlarında Daxili İşlər Nazirliyinin "102" xidmətinə bu barədə xəbər veriblər. Az sonra Nəsimi rayon Polis İdarəsinin 21-ci polis şöbəsindən onlara zəng edib, N.Pənahlının İnzibati Xətalar Məcəlləsinin 535-ci (Polis işçisinin və ya hərbi qulluqçunun qanuni tələbinə qəsdən tabe olmama) maddəsilə 30 sutka həbs cəzası aldığını bildiriblər.

Bu maddədə 100 manat cərimə və ya bir ayadək müddətə inzibati həbs nəzərdə tutulub.

H.Pənahlı bildirib ki, həyat yoldaşı haqqında həbs qərarından apelyasiya şikayəti veriləcək.(meydantv)

6 -dən səhifə 1127
Top
JoomlaLock.com All4Share.net