Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.
Bazar ertəsi, 13 Avqust 2018 19:33

Azərbaycan hərbçisi yaralanıb

Dünən, avqustun 12-də Azərbaycan-Ermənistan dövlət sərhədinin Naxçıvan Muxtar Respublikası istiqamətində atəşkəs rejiminin pozulması nəticəsində hərbi qulluqçu Samit İsrafilov yaralanıb.


Bu barədə bu gün, avqustun 13-də Azərbaycan Müdafiə Nazirliyi məlumat yayıb:

"Hərbi qulluqçuya dərhal tibbi yardım göstərilib, həyati təhlükə yoxdur. Müdafiə Nazirliyi bildirir ki, Azərbaycan-Ermənistan dövlət sərhədində baş verənlərə görə məsuliyyət tam şəkildə Ermənistan hərbi-siyasi rəhbərliyinin üzərinə düşür".

İqtisadçı alim Qubad İbadoğlu Türkiyədəki böhranla bağlı özünün fikirlərini açıqlayıb.

Vetenugrunda.az iqtisadçının Türkiyə böhranı ilə bağlı sosial şəbəkədə paylaşdığı fikirlərini oxucuları ilə bölüşür: 

"Türkiyədə lirənin sürətlə dəyər itirməsi başlıca səbəbi maliyyə-kredit və bank siyasətinin düzgün qurulmaması və çevik iqtisadi qərarların gecikdirilməsi ilə bağlıdır.

Əgər rəsmi dəvət alsam, qardaş ölkənin iqtisadiyyatını böhrana doğru gedən yoldan geri qaytarmağa töhfə verə bilərəm.

Əks təqdirdə, siyasi bəyanatlar dayandırılmazsa, eləcə də adekvat, təcili və təxirəsalınmaz iqtisadi qərarlar qəbul olunmazsa yaxın 10 gündə Türkiyə iqtisadiyyatı çökə bilər. Türkiyənin zəifləməsi bütövlükdə bölgənin maraqlarına, ayrılıqda isə Azərbaycanın mənafeyinə uyğun deyil."

"Whatsapp" yazışma şəbəkəsi istifadəçilərin yazışmalarının birbaşa şifrələnməsini tətbiq etməyəcək.

Bu barədə "Akket" portalı yazıb. Beləliklə xüsusi xidmət orqanları bütün istifadəçilərin yazışmalarına daxil ola biləcəklər.

Bu addımı "Whatsapp" rəhbərliyi şirkətin faktiki sahibi olan "Facebook"-un tələbi ilə atıb.

"Facebook" şirkətinin təsisçisi Mark Zukerbeqin sözlərinə əsasən, belə tələblə ABŞ rəhbərliyi çıxış edib. Bu səbəbdən 2019-cu ildən zəiflənmiş şirfrələnmə ilə yeni tətbiqetmə çıxacaq ki, bununla da xüsusi xidmət orqanları maraqlandıqları şəxs barədə maneəsiz informasiya alaraq terrorçuların və psixoloji problemləri olan insanların hərəkətlərinin qarşısını ala biləcək.

Bundan əlavə, yaxın zamanlarda şirkətin gəlir əldə etməsiz üçün "Whatsapp"-da reklam olacağını əlavə edib. 

Bazar ertəsi, 13 Avqust 2018 17:59

Koçaryan azadlıqdadır

Avqustun 13-də Yerevan Apellyasiya Məhkəməsi Ermənistanın sabiq prezidenti Robert Koçaryanın vəkillərinin qaldırdığı vəsatəti təmin edərək onu azadlığa buraxıb.

Koçaryanın vəkillərinin sözlərinə görə, eks-prezident toxunulmazlıq hüququndan istifadə edib.

Bundan əvvəl Ermənistan parlamentinin 40-dək deputatı Koçaryanın azad edilməsi üçün məhkəməyə müraciət ünvanlamışdılar.

R.Koçaryana qarşı 2008-ci ilin 1-2 mart hadisələri ilə bağlı ittiham irəli sürülmüş və iyulun 27-də onun barəsində 2 aylıq həbs-qətimkan tədbiri seçilmişdi. Koçaryan və onun vəkilləri onun həbsinin siyasi motivli olduğunu bildirirlər.

2008-ci ildə Ermənistanda keçirilən prezident seçkisində R.Koçaryanın müttəfiqi Serj Sarkisyan qalib elan edilmişdi, lakin bəzi siyasi partiyalar bununla razılaşmamış və şəhərin mərkəzində müddətsiz etiraz aksiyası elan etmişdilər. Ermənistanın ozamankı rəhbərliyi isə etirazları yatırmaq üçün şəhərə ordu yeritmişdi, nəticədə 10 nəfər dinc sakin ölmüşdü.(azadlıq radiosu)

7 -dən səhifə 1058
Top
JoomlaLock.com All4Share.net