Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.

2012-ci may ayının 20-də Avroviziya mahnı müsabiqəsi ərəfəsində saxlanılan Nicat Əliyevə qarşı Cinayət Məcəlləsinin (CM) 234.1-ci (Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) maddəsi ilə ittiham irəli sürülmüşdü.

2013-cü il yanvarın 26-da baş redaktora qarşı CM-nin 167-2.2.1-ci (qabaqcadan əlbir olan bir qrup şəxs və ya mütəşəkkil dəstə tərəfindən müvafiq razılıq olmadan dini təyinatlı ədəbiyyatı, əşyaları və dini məzmunlu başqa məlumat materiallarını istehsal etmə, satış və ya yayma məqsədi ilə idxal etmə, satma və ya yayma), 281.2-ci (bir qrup şəxs tərəfindən hakimiyyətin zorla ələ keçirilməsinə, zorla saxlanılmasına və ya Azərbaycan Respublikasının konstitusiya quruluşunun zorla dəyişdirilməsinə və ya ərazi bütövlüyünün parçalanmasına yönələn açıq çağırışlar etmə, habelə bu cür məzmunlu materialları yayma) və 283.2.3-cü (mütəşəkkil dəstə tərəfindən milli, irqi, sosial və ya dini nifrət və düşmənçiliyin salınmasına, milli ləyaqətin alçaldılmasına, habelə milli, irqi və ya dini mənsubiyyətindən asılı olaraq vətəndaşların hüquqlarının məhdudlaşdırılmasına və ya üstünlüklərinin müəyyən edilməsinə yönələn hərəkətlər, aşkar surətdə və ya kütləvi informasiya vasitələrindən istifadə olunmaqla törədildikdə) maddələri ilə yeni ittihamlar irəli sürülüb.

6 il öncə Bakı Ağır Cinayətlər Məhkəməsində hakim Zeynal Ağayevin sədrliyi ilə "Azadxeber.org" saytının baş redaktoru Nicat Əliyevin məhkəmə prosesində hakim jurnalistin 10 il müddətinə azadlıqdan məhrum edilməsi barədə hökm verib.

27 iyun 2014-cü il tarixdə Bakı Apellyasiya Məhkəməsi ilkin instansiya məhkəməsinin qərarını qüvvədə saxlayıb.7 aprel 2016-cı il tarixdə bu qərardan verilən kassasiya şikayəti təmin edilməyib.
Əksər beynəlxalq və yerli hüquq-müdafiə təşkilatları hesab edir ki, N.Əliyev dini mövqeyinə və "Eurovision"la bağlı sərt açıqlamalarına görə həbs edilib.

Şənbə, 19 May 2018 16:14

Ramazan ayının 3-cü gününün duası

Ramazan ayının 3-cü gününün duası:
Allahummərziqni fihiz-zihnə vət-tənbih. Və baidni fihi minəs-səfahəti vət-təmvih. Vəc-əl nəsibən min küli xeyrin tunzilu fih. Vicudikə ya əcvədəl-əcvədin.
Tərcüməsi:
İlahi, bu gün mənə hüşyarlıq və ayıqlıq ruzisini əta et, məni səfehlik və dərrakəsizlikdən uzaqlaşdır. Bu gün göndərdiyin hər şeydə mənə xeyir nəsib et. Səxavətinə and verirəm, ey əliaçıqların ən səxavətlisi!

Əziz oxucularımız, on iki ayın sultanı olan Ramazan ayının gəlişi münasibət ilə hamınızı təbrik edirəm. Allah ibadətlərinizi və dualarınızı qəbul etsin.

Müqəddəs Ramazan ayının gəlişinin ilk günündən vetenugrunda.az saytı "Zindana məktub..." layihəsinə başlayıb. Bu gün zindanlarda yüzlərlə günahsız insanımız həbs cəzasına məhkum edilib və olmayan suçunun cəzasını çox ağır şəkildə çəkir. Sizlərin bu müqəddəs ayda onlara ürək sözlərinizi, fikirlərinizi ifadə edən məktublarınızı çatdırmağı özümüzə borc bildik. Siz zindanlara, isti yuvasından, doğma od-ocağından ayrı düşən məhbuslarımıza məktub yazın. Məktublarınız vetenugrunda.az saytında yayımlanacaq. Bu məktubların sahiblərinə çatmasına da çalışacağıq.

Layihə Ramazan ayı boyunca davam edəcək və eyni zamanda bütün məktublar "Zindannamə" adlı kitabda işıq üzü görəcək. Bütün iştirakçıları, məktub sahiblərini və məktub ünvanladığınız məhbusların yaxınlarını "Zindannamə"nin təqimatına dəvət edəcəyik.
Məktublarınızı Bu email ünvanı spambotlardan qorunur. Onu görmək üçün JavaScripti qoşmaq lazımdır. ünvanına və facebook səhifəmizə (Vətən Uğrunda İctimai-Siyasi Qəzet) göndərə bilərsiniz.
Layihəmizə qoşulan hər kəsə təşəkürümüzü çatdırırq.

Üçüncü məktubun sahibi adının çəkilməsini istəməyən bir xanımdır.
Bu xanımın Nardaran olayları zamanı şərlənərək həbs edilən Abbas Hüseynə yazdığı sevgi dolu məktubunu diqqətinizə çatdırırq:


"Vətənuğrunda.az saytında belə gözəl layihənin başladıldığını eşidəndə çox sevindim.
Düşünürəm ki "Zindana məktub" adlı bu layihə içində yığılıb qalan cümlələri mənim, sənin-bizim hüquqlarımız uğrunda zindan həyatı yaşayan əzizlərə çatdırmaq üçün gözəl fürsətdir. Mən də bu fürsətdən istifadə edərək, rahat həyatını xalqının rifahı uğruna zindana dəyişmiş günahsız məhbusuma-Abbas Hüseynə yazmaq istədim.

Günahsız Məhbusuma...
Mənim günahsız, günahsız olduğu qədər də möhkəm, başı vüqarlı məhbusum...Sənə böyük zindandan məktub yazıram... Hərçənd bu məktubu indi sənin oxumaq imkanın yoxdur. Lakin mən yazıram.Yazıram ki, qoy səni gözlədiyim bu günlərdən yadigar qalsın.Yazıram, qoy bizdən sonrakı nəsillər şahid olsunlar ki, zalımın zülmü, cəfası, zindanı belə əsl sevgi və sədaqət qarşısında məğlubiyyətə məhkumdur.

Bax, Allahın bu imtahanı həm də elə bir imtahandır ki, xanımlar öz sədaqətləriylə sınağa çəkilirlər...
Bilirsən, sənə 20 illik hökm oxunan həmin gün zərrə qədər ruhumda sarsıntı hiss etməmişdim. Sual edənlər olur ki, "20 ili necə gözə alıb bu qərarı vermisən?" Axı unudurlar, məsafələr, illər əsl sevgilərin qarşısını almaqda həmişə acizdir.

Həbs olunduğun gündən bu zamana qədər işgəncə xəbərlərini almağıma rəğmən bir anda olsa, peşimanlıq duymadım qəlbimdə. Çünki məni ayaqda tutan, başımı dik saxlamağa vadar edən sənə olan sadəqətim, sənin o sınmaz vüqarındır. Həm də sən ədalət uğruna şərlənmisən. Elə şərəfli səbəblər üçün bu gün zindandasan ki, bu yalnız mənə başucalığı gətirər.

Həyatda hər şeyin asanını seçmək həmişə qorxaq insanlara xas xüsusiyyət olub. Amma mən səninlə birgə Haqq yolunda yanmağı seçdim. Səninlə yanmaq, bu tikanlı yollarda səninlə birgə addımlamaq istədim.

Sənə "məhbusum" deyirəm. Bizi bir-birimizdən ayrı salanlar sanmasınlar ki, səni onlar məhbus ediblər və sən onların məhbususan. Xeyr. Sən haqqın, vicdanın, ədalətin məhbususan. Sən bu dəyərlər uğrunda məhbəsə düşməklə, "məhbus" adına anlam və məna yükləmisən.

Sən dəfələrlə "məni gözləmə, həyatını məni gözləməklə məhv etmə" deyə israr edərdin. Mən isə inciyərək "sən Allahın bu sınağından özünün pay götürüb, mənim isə kənardamı qalmağımı istəyirsən?" cavabın verərdim.Və dərin bir sükuta dalardın. Sonralar daha bu israrı etmədin, əksinə hər zaman güvəndiyini, inandığını hiss etdirdin. Özün cəfa çəkdiyin halda mənə təsəlli və məlhəm oldun.
Mənim qolları qandallı, məhbusum...

Bildiyimə görə qolların qandalda çox saxlandığından biləklərin yara olub. Gözlərimin önündə qollarına qandal taxıldığı anları xatırladıqca, biləklərindəki yaralar indi mənim öz biləklərimdə sanki ağrıya çevrilir...

Amma Biz birlikdə nə çətinliklərdən, məşəqqətlərdən keçdik və hələ də keçməkdəyik... Hər şeyə rəğmən mən sənin gələcəyinə, azadlığa çıxacağın günə bütün qəlbimlə inanıram... Səni məndən alanlar, bizə bu ayrılığı yaşadanlar sənə etdikləri zülmlərlə ümidimi əlimdən almağa çalışsalar da, heç vaxt buna nail ola bilmirlər, bilməyəcəklər də... Çünki biz ümidini Allaha bağlamış insanlarıq... Onu heç kimə vermərik. Həmçinin bizi ayrılığa məhkum edənlərə bir baxımdan təşəkkür edirəm: Sayələrində bu həyat mücadiləsində nə qədər doğru insanı seçdiyimin bir daha fərqinə vardım.

Müqəddəs saydığımız ayrılıq bizə çox mənəvi töhfələr verdi. Bəlkə buna görədir ki, ayrılıq kiçik sevgiləri bitirər, böyük sevgiləri isə daha dəyərli edər.

Hər nə qədər dörd divar arasında gördüyün işgəncələr sənin acı xatirələrinə dönüşsə də, sənə söz verirəm ki, birlikdə acı xatirələrinin yerini ən gözəlləriylə əvəz edəcəyik. Ömür nə qədər vəfa etsə, mən sənin yanında olacam.
Səninlə qürur duyuram. Ömrünün ən gözəl çağında sənə amansızcasına zülmlər edərək, bizi hicran qəfəsinə həbs edənləri isə Allahın məhkəməsinə həvalə edirəm.

Sənə atılan bütün böhtanlara inad sən mənim GÜNAHSIZ məhbusumsan və bir gün bunu hər kəs anlayacaq.

Abbascan, bu 3-cü Ramazandır ki, sənsiz qarşılayıram. Neçə Ramazan sonra vüslat anı gələr bilmirəm, amma mən əllərimi sənin üçün hər zaman göy üzünə fəda etməkdəyəm.

Yeganə silahım olan dualarımla səni əsirlikdən xilas edəcəm.
Sonda isə sənə ithaf etdiyim şeiri qoyuram bura. Qovuşmaq ümidi ilə:


Səni əllərimdən alan o zindan
Qopara bilərmi ürəyimdən bəs?
Səni gözləyəcəm bir ömür, inan
"Gəlmişəm burdayam" deyəcək bir səs.

Səbirlə bir ömür mən lap gözlərəm,
Amma bu darıxmaq yandırır indi.
Deyirəm, gün gələr, səni izlərəm,
Zindanı izləmək yaman çətindi.

Sən haqqa məhkumsan,Yusif misalı
Bilirəm, qorxutmaz, səni zindanlar.
Sənə zəhər dadar dünyanın balı,
Çətin ki nadanlar bu eşqi anlar.

İndi yağış yağır dua dilimdə,
Mən səni Rəbbimdən istədim yenə.
İnan, ağlamamaq deyil əlimdə,
Sən də dua elə zindanda mənə.

Yolunu gözləyənin...

 

7 -dən səhifə 975
Top
JoomlaLock.com All4Share.net