Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Azərbaycan Ordusu bu gün cəbhədə erməni hərbi birləşmələrini darmadağın edib.

Cəbhədə fevralın 25-dən başlayan gərginlik davam etməkdədir. Erməni hərbi birləşmələri cəbhədə təxribat hücumlar törətməyə cəhd göstərir, lakin ordumuz düşmən təxribatının qarşısını almaqla yanaşı, güclü cavab zərbəsi endirir.

Müdafiə Nazirliyinin yaydığı videosənədlər düşmənin son günlər yaydığı videoyalanları ifşa etdi.

Birinci zərbə

Martın 1-i axşam saatlarında işğal altında olan Xocavənd rayonu istiqamətində Ermənistan silahlı qüvvələrinin mühəndis-istehkam baxımından hazırlanmış və atəş vasitələri ilə gücləndirilmiş dayaq məntəqələrinin qərargahına qoşunlarımız tərəfindən atəşlə cavab zərbəsi endirilib.

Cavab zərbəsi nəticəsində düşmən qərargahının qarşısında hərbi nəqliyyat vasitələri və şəxsi heyət məhv edilib.

İkinci zərbə

Erməni hərbi birləşmələri aldıqları zərbədən sonra martın 2-i gecə saatlarında mövqelərimizə soxulmağa cəhd edib. Ordumuz heç bir itki vermədən mövqelərimə soxulmağa cəhd göstərən düşmənin diversiya-təxribat qrupun məhv edib.


Üçüncü zərbə

Düşmənin hərbi nəqliyyat vasitəsi bir zərbə ilə məhv edildi.

Hazırda ordumuz bütün cəbhəboyu əməliyyat şəraitinə nəzarət edir.

İtkilər gizlədilir

Ermənistan tərəfinin hərbi texnikası və canlı qüvvəsininin məhv edildiyinə dair videosübutlar yayılsa da, İrəvan rejimi itkiləri gizlədir. Ermənistan mediasında apardığımız monitorinqin nəticələrinə görə, heç bir media qurumu itkilər haqda məlumat yaymır. Yalnız bir sıra saytlar Azərbaycan Ordusunun cavab zərbələrini əks etdirən videogörüntüləri yayımlayıb.

"1in.am" saytı isə Ermənistan ordusunda müddətdən artıq xidmət edən 1980-ci il təvəllüdlü Nver Babadjanyanın öldüyünü açıqlayıb.

Digər media orqanları isə itkilər haqda heç bir məlumat vermir. Ehtimallara görə, "aprel müharibəsində" məğlubiyyətin acısını yaşayan Ermənistan hakimiyyəti bu dəfə media orqanlarına senzura qoyur.

İrəvan hakimiyyəti itkilərini gizlətməyə çalışsa da, erməni əhalisi təşviş içindədir.

Məğlubiyyət

Keçmiş erməni döyüşçü Arkadi Karapetyan isə Ermənistanın Azərbaycana məğlub olduğunu bildirib:
"Biz vaxtında ən dəhşətli məğlubiyyətə düçar olduq və indiyə qədər balansı bərpa edə bilmirik. Bu gün Azərbaycan xaricə silah satır, biz isə şəxsi ehtiyaclarımızı təmin edə bilmirik. Anlayırsınızmı problem nədədir? Bu gün Ermənistan-Rusiya hərbi əməkdaşlığı çərçivəsində yalnız qarajlardakı kamazlar təmir olunur. Bu gülməlidir.

Rusiya Azərbaycana silah satır, bizimlə isə kamaz təmir edir. Bu bizi ələ salmaqdır".

Keçmiş döyüşçü Ermənistan ordusunun yeni müharibədə qalib gələ bilməyəcəyini vurğulayıb: "Biz qalib sırasında olmaq üçün könüllü dəstələr yaratmalıyıq. Mən elə bu dəqiqə könüllü güclərin yaradılmasını istəyirəm. Çünki yeni müharibənin olması qaçılmaz görünür və biz əvvəldən nəsə etməsək, bu müharibədə məğlub olacağıq".

Erməni hərbi birləşmələrinin məhv edilməsi, həmçinin, ermənilərin etirafları ordumuzun bu gün böyük qələbə çaldığını sübut edir.

"Kudus Tv" Masallı rayonunda cümə namazı qıldırdığı üçün həbs olunan Şeyx Sərdar Hacıhəsənli barədə reportaj təqdim edib.

Reportajda Şeyx Sərdar Hacıhəsənlinin həbsi tənqid olunub.

24 beynəlxalq təşkilat Mehman Hüseynovun dərhal azad olunmasını tələb edir

FOX TV kanalı Mehriban Əliyevanın təyinatını tənqid etdikdən sonra hakimiyyət yayımı dayandırıb

24 beynəlxalq təşkilat Azərbaycan hakimiyyətini ölkədə söz və ifadə azadlığının pozulması üzrə atılmış son addımlara görə kəskin tənqid edib, bu barədə "Turan" məlumat yayıb.

Onların 3 mart tarixli birgə bəyanatında deyilir ki, Mehman Hüseynovun barəsində hökm hakimiyyətin söz azadlığına hörmət etmək istəmədiyini və tənqidi səslərə qarşı repressiyaları davam etdirəcəyini göstərir.

"Bugünki hökm və Mehman Hüseynovun həbsə məhkum olunması qəzəbləndiricidir – bu, Azərbaycanda hakim İlham Əliyev rejiminin tənqidçilərinin hədəf olduğunun daha bir nümunəsidir.

Bu, həmçinin göstərir ki, ötən il bir sıra tanınmış siyasi məhbusların azad edilməsindən sonra heç nə dəyişməyib.

Siyasi motivli həbslər əvvəlki kimi adi haldır və Mehman Hüseynov bu gün həbsdə olan 13 jurnalst, bloger və KİV işçisindən biridir.

Azərbaycanın beynəlxalq öhdəliklərinə uyğun olaraq onların hamısı dərhal və qeyd-şərtsiz azad edilməlidir", - "Sərhədsiz Reportyorlar"ın Britaniya bürosunun rəhbəri Rebekka Vinsent bildirib.

"Mehman Hüseynovun başına gələn hadisə hakimiyyətin hüquq müdafiəçilərini, jurnalistləri və fəalları cəzalandırmaq üçün istifadə etdiyi təhqiredici və özbaşına metodların nümunəsidir.

Mehman Hüseynov dərhal və qeyd-şərtsiz azad edilməli, işgəncəyə və amansız rəftara görə təzminat almalı, bunda təqsirli olanlar isə mövqeyindən asılı olmayaraq, məsuliyyətə cəlb edilməlidir.

Beynəlxalq ictimaiyyət Azərbaycanda hüquq müdafəçilərinə, jurnalistlərə və vəkillərə qarşı repressiyaların davam etdiyini və gücləndirildiyini nəzərə alaraq hərəkət etməlidir. Azərbaycanda insan hüquqları sahəsində ağır vəziyyət İnsan Hüquqları Şurasının ən güclü diqqətinə və addımlarına layiqdir", - deyə İnsan Hüquqları Evi Fondunun vəkillər qrupunun rəhbəri Flroian İrminger bildirib.

"Biz ədalətli mühakiməni ələ salmaqdan başqa bir şey olmayan bu biabırçı hökmdən çox məyus olduq", - deyə KİV-ə Beynəlxalq Dəstək (İMS) təşkilatından Gülnarə Axundova bildirib.

Maraqlıdır ki, Mehmah Hüseynov 2017-ci il fevralın 21-də birinci ledi Mehriban Əliyevanın vitse-prezident seçilməsini tənqid etmişdi.

"Mehriban Əliyeva ölkənin vitse-prezidenti seçilənə qədər hökumət avtoritar hakimiyyətin möhkəmləndirilməsi və mübahisəli təyinatla bağlı istənilən fərqli düşüncənin qarşısını almaq məqsədilə fəalların, jurnalistlərin və blogerlərin növbəti həbs və təqib dalğası həyata keçirib", - FİDH-dən Saşa Kulayeva qeyd edib.

Xüsusən, hakimiyyət bir neçə müxalifət nümayəndəsini, o cümlədən 10 AXCP üzvünü, REAL hərəkatının bir üzvünü və D18 hərəkatının bir üzvünü yalan ittihamla həbs edib.

Saxlanılanlara qarşı işgəncə və amansız və alçaldıcı rəftar haqqında səhih məlumatlar var. Məsələn, 30 günlük həbs olunmuş Rahim Şaliyev bu barədə vəkilə bildirib.

Fevralın 17-də kend.info saytının redaktoru, İsmayıllı rayonunda korrupsiya faktlarını və insan hüquqlarının pozulmasını tənqid edən Elçin İsmayıllı həbs edilib.

Fevralın 22-də Türkiyənin FOX TV kanalı Mehriban Əliyevanın təyinatını tənqid etdikdən sonra hakimiyyət yayımı dayandırıb.

Yeganə müxalifət qəzeti olan "Azadlıq" qəzeti təzyiqlərə məruz qalır. Fevralda qəzetin ondan çox əməkdaşı maliyyə direktoru Faiq Əmirova qarşı cinayət işi çərçivəsində prokurorluğa dindirməyə çağırılıb.

Bundan öncə qəzetin şərhçisi Seymur Həzi uydurma ittihamla həbs edilib.

Son günlər hakimiyyət İnternet və online-content üzərində nəzarətin gücləndirilməsinin vacibliyi barədə bəyanatlar verir.

Mətbuat Şurasının rəhbəri Əflatun Amaşov müstəqil KİV-i və jurnalistlərin hüquqlarını müdafiə etməli olduğu halda blogerlərin və fəalların İnternetdəki fəaliyyətinə nəzarət etmək məqsədilə onların məcburi qeydiyyatı barədə təklifləri parlamentə təqdim edib.

Hakimiyyət xaricdə hökuməti tənqid edənlərin təqib olunması siyasətini davam etdirir.

Belə ki, "Meydan"TV-nin rəhbəri Emin Milli Avropa parlamentində Azərbaycanda insan hüquqları ilə çıxışından sonra Azərbaycan hakimiyyətinin hədələrinə məruz qalıb.

"Azərbaycan hakimiyyəti həm ölkədə, həm də xaricdı söz azadlığı və insan haqlarını pozur", - Article 19-dan Keti Morris bildirib.

"Avropa hökumətləri hökuməti tənqid edənlərin və onların ailə üzvlərinin həbsinə, təqiblərə və işgəncələrə məruz qalmasına laqeyd olmamalıdır və Bakını cavab verməyə çağırmalıdır",- o əlavə edib.

Hakimiyyət Hollandiyada yaşayan bloger Orduxan Teymurxanın qohumlarını təqib edir.

"Biz aşağıda imza edən təşkilatlar Azərbaycan hökumətini tənqidçilərin təqib edilməsinə və saxlanmasına son qoyulmasına çağırır.

İşgəncələr barədə məlumatlar araşdırılmalı, siyasi məhbuslar dərhal və qeyd-şərtsiz azad edilməlidir.

Hakimiyyəti tənqid edənlərə qarşı təqib və təzyiq kampaniyasına dərhal son qoyulmalıdır.

Biz həmçinin beynəlxalq birliyi Azərbaycan hakimiyyətinə təzyiq göstərməyə, Azərbaycandan insan hüquqları sahəsində öz beynəlxalq öhdəliklərini yerinə yetirməyi tələb etməyə çağırırıq!,- bəyanatda deyilir.

Sənədi Article 19, Jurnalistləri Müdafiə Komitəsi (CPJ), "Sərhədsiz Reportyorlar", İnsan Hüquqları Evi Fondu, Beynəlxalq Pen Klub, İşgəncələr Əleyhinə Təşkilat və iyirmiyə yaxın digər təşkilat imzalayıb.

Vüqar Xəlil

Hazırda Azərbaycanda 6 min milyonçu, 260 multimilyonçu, 100 ultramilyonçu və 11 sentamilyonçu yaşayır. Bu qalmaqallı məlumat "Knight Frank" şirkətinin illik "The Wealth Report-2017" məruzəsində yer alıb.

"Knight Frank"ın məruzəsinə əsasən, dünyada sərvəti 1 milyardı ötən şəxslərin sayı 2016-cı ildə 60 nəfər artaraq 2024 nəfər olub. Varidatı 30 milyon dollardan artıq olan ultramilyonçuların sayı 6340 nəfər, onların ümumi sayı isə 193,49 min nəfər təşkil edib:

"Proqnozlara görə, Rusiyada və MDB ölkələrində milyonçuların sayı, 2026-cı ilə qədər 60% artacaq, amma Azərbaycan və Qazaxıstan artımın səviyyəsinə görə Rusiyaya çatacaq. Beləliklə, regionda ultra milyonçuların sayı 5170 nəfər olacaq".

"Knight Frank" ekspertləri öz analizlərində həmçinin göstərirlər ki, varlılığın əsas əlamətlərindən biri şəxsi təyyarələrin olmasıdır. Məlumata görə, Azərbaycanda 2016-cı ildə 2006-cı il ilə müqayisədə şəxsi avialayner sahiblərinin sayı 550% artıb (!). Azərbaycanda 10 il əvvəl cəmi iki nəfərdə şəxsi təyyarə var idi, amma keçən ilin nəticəsinə görə artıq bu rəqəm on üçdür.

Bu göstəricinin artması üzrə bizim milyonçular dünyada dördüncü yeri tuturlar. Birinci yerdə isə qəribə də olsa, Belarus varlıları gəlir. 2006-cı ildə bu ölkədə xüsusi mülkiyyətdə cəmi bir təyyarə var idi, amma indi Azərbaycanda olduğu kimi on üçdür (1200% artım baş verib).
Tədqiqatda Azərbaycanda super varlı insanların sayı üzrə ətraflı məlumatlar yer alıb. Belə ki, ölkədə 2006-cı ildə 1 milyon dollardan yuxarı sərvətə malik olan 2700 insan var idisə, 2015-ci ilə belələri 5600 nəfər, 2016-cı ildə isə 6 min nəfər olub. Proqnoza əsasən, Azərbaycanda dollar milyonçularının sayı 2026-cı ilində artaraq 9600 nəfərə çatacaq.

Əgər 2006-cı ilində 120 multimilyonçu var idisə, 2015-cidə – 240, 2016-cıda 260 nəfər, 2026-cı ilə ölkədə 10 milyon dollardan yuxarı sərvətə malik 420 nəfərin olacağı proqnozlaşdırılır.

Ultramilyonçuların sayı 2006-cı ildə 50 nəfər idisə, 2015-ci ildə bu rəqəm 90 nəfərə çatıb və 2016-cı ildə 160 nəfər olacağı proqnozlaşdırılır.

Sənəddə həmçinin göstərilir ki, 2006-cı ildə Azərbaycanda 5 sentamilyonçu olub. 2015-ci ildə sərvəti 100 milyon dolları keçən belə şəxslərin sayı 10-a çatıb. 2026-cı ildə isə 18 nəfər olacaq.

Maraqlıdır ki, mənbə Azərbaycanda sərvəti 1 milyard dolları keçən şəxslərlə bağlı heç bir məlumat verməyib.(virtual.az)

843 -dən səhifə 1241
Top
JoomlaLock.com All4Share.net