Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Xədicə İsmayıl: İki həftəyə yaxındır aclıq aksiyası gedir, heç bir səfirlik aclıq edənlərə baş çəkməyib...


"Mehman Hüseynov və bütün siyasi məhbuslara azadlıq" tələbi ilə aclıq aksiyası davam etdirilir.

Yanvarın 2-dən ictimaiyyət nümayəndələrinin "Mehman Hüseynov və bütün siyasi məhbuslara azadlıq" tələbi ilə başladığı aclıq aksiyası Müsavat Partiyasının mənzil qərargahında davam etdirilir.

İki il həbsə məhkum edilmiş bloger Mehman Hüseynov ona qarşı qaldırılmış yeni cinayət işinə etiraz olaraq dekabrın 26-dan quru aclığa başlayıb. Bloger hazırda maye süd məhsulları qəbul etdə də, qida qəbulundan imtina edir.

Onun aclıq aksiyası yerli və beynəlxalq ictimaiyyət tərəfindən dəstəklənməkdədir.

Hazırda aclıq aksiyasını jurnalist Xədicə İsmayıl, fəallar Rövşən Niftalzadə, Aygül Cəfərova, siyasi məhbus kimi tanınan Fuad Əhmədov və Orxan Baxışlının ataları Zəfər Əhmədov və Rafiq Baxışov davam etdirir.

Jurnalist Xədicə İsmayıl Amerikanın Səsinə müsahibəsində bildirib ki, aclıq aksiyası dayandırılmayacaq. O, artıq 4-cü gündür aclıq edir.

"İlk iki gün həkimlər gəlib halımızı soruşdular. Ancaq son iki gündür həkimlər gəlməyib. Özümü normal hiss edirəm. Hələ ki, şikayəti olan yoxdur. Zəfər Əhmədovda hərdən baş gicəllənməsi olur. Amm, israrla deyir ki, çox yaxşıyam", o qeyd edib.

Jurnalist aclıq aksiyasına beynəlxalq münasibətdən danışarkən bildirib ki, aksiyaya xeyli beynəlxalq resurs reaksiya verib.

"Foreign Policy` jurnalı (Amerikada dərc edilən `Xarici Siyasət` jurnalı iki aydan bir 100 mindən çox tirajla çap olunur-red), xeyli müxtəlif xarici media orqanı xəbərlər yayıb. Rusca, ingiliscə, almanca, italyanca yazılar görmüşəm."

O bununla yanaşı deyib ki, hələ Azərbaycandakı xarici ölkə səfirliklərindən heç kim aclıq aksiyası keçirənlərə baş çəkməyib.

"İki həftəyə yaxındır aclıq aksiyası davam etdirilir. Amma heç bir beynəlxalq nümayəndəlik və yaxud xarici ölkə səfirliyi gəlib aclıq edənləri yoxlamayıb."

Xədicə İsmayıl aclıq edənlərin tələbləri ilə Azərbaycan hökuməti və ombudsman aparatınında maraqlanmadığını da deyib.

"İnsan hüquqları kimi bu, daha çox ombudsmanın öhdəliyindədir. Ombudsman bununla maraqlanmalı, gəlməli, yoluxmalıdır. Soruşmalıdır ki, siz niyə aclıq edirsiniz? Ölkədə nə baş verib? Əslində, biz, ombudsmanın məşğul olmalı olduğu problemlərlə bağlı aclıq edirik. Ombudsman heç bir reaksiya vermir, gəlmir, soruşmur. Görünür ki, bir daha ona iş görmədiyinin xatırladılmasını istəmir. Çünki, normal müstəqil ombudsman institutu olsa idi yəqin ki, indiyədək həbsdə siyasi məhbusumuz qalmazdı," jurnalist qeyd edib.

O, parlamentin insan hüquqları komitəsinin də aclıq edənlərlə maraqlanmadığını diqqətə çatdırıb.

"Parlamentdən kiminsə belə bir maraq göstərməsinin şahidi olmamışam. Əslində onlardan gözləntimiz də yoxdur. Çünki təəssüf ki, Azərbaycanın müstəqil parlamenti yoxdur. Parlament icra hakimiyyətinin bir qoludur. Prezident Administirasiyasının qərarlarını təsdiqləməklə məşğul olan qurumdur. Seçilmiş parlament olmadığına görə, biz onlardan da seçicilərinin arzusuna uyğun qərarlar gözləmirik."

"Şəxsən mənim tələbim odur ki, ölkədə olan bütün ifadə azadlığı məhbusları azad olunsun. Mən jurnalist olaraq ilk növbədə ifadə azadlığı məhbuslarına dəstək olaraq aksiyaya qoşuluram və eyni zamanda bütün siyasi məhbusların azadlığa buraxılması üçün beynəlxalq səylərin artırılmasını istəyirəm" , jurnalist qeyd edib.

Xədicə İsmayıl deyib ki, aclıq aksiyasına qoşulmamışdan əvvəl həbsdə olan siyasi məhbusların aclıq aksiyasından və onların aclıq aksiyasına qoşulduqdan sonra təzyiqlərə məruz qalmasından yazıb.

"Mənim aclıq aksiyasına qoşulmağıma səbəb də, məhz, o oldu. Çünki həbsxanada, tam nəzarət altında olan adamı susdurmaq və onun aclıq aksiyasından olan rezonansı korşaltmaq çox asandır. Ona görə, biz, müstəqil insanlar bu aksiyaya qoşulmalıyıq ki, həm rezonans azalmasın, həm də onlar siyasi məhbuslara bununla bağlı təzyiq göstərməyin mənasız olduğunu anlasınlar," jurnalist bildirib.

Siyasi məhbus kimi tanınan Fuad Əhmədovun atası Zəfər Əhmədov da Amerikanın Səsinə həbs yerlərində siyasi məhbus kimi tanınan şəxslərin aclıq aksiyası keçirməsinin çox çətin olduğunu bildirib. O siyasi məbus kimi tanınan şəxslərin valideynlərinin növbəlilik əsasında övladıları həbsdən azad edilənədək askiyanı davam etdirəcəyini deyib.

"Siyasi məhbus atalarının aksiyaya qoşulmasının səbəbləri övladlarımızın həbsxanalarda aclıq keçirməsidir. İlk öncə siyasi məhbusların anaları aksiyaya qoşulmaq qərarına gəlmişdilər. Biz, Orxan Baxışovun atası Rafiq Baxışovla qərar gəldik ki, bu aksiyaları məhbus ataları keçirsin ki, məhbus anaları aksiyaya qoşulmasın. Amma, analar da aksiyaya qoşulur."

Biz çox xahiş, israr edirik ki onlar aclığı dayandırsın. Aclıq keçirməsinlər. Biz özümüz, məhbus ataları aclıq edərək onları əvəz edirik.

Əhmədovun fikrincə, cəzaçəkmə müəssisəsində aclıq keçirmək, ancaq aclıqla bitmir.

"Aclıq keçirən hər bir insan karsa (cərimə təcridxanası-red) salınmalıdır, daimi nəzarətdə olmalıdır, görüşlər, telefon zənglərindən məhrum olunur. Ona görə, biz, istəmirik ki, onlar aclıq etsinlər. Onsuz da problemlərin içərisindədirlər. Bir də yeni problemlərlə üzləşəcəklər. Biz çox xahiş, israr edirik ki onlar aclığı dayandırsın. Aclıq keçirməsinlər. Biz özümüz, məhbus ataları aclıq edərək onları əvəz edirik. Əvvəlcə Ruslan Nəsirlinin atası Şamil Nəsirli başladı, sonra Rafiq Baxışovla mən başladım. Bu növbəliliklə davam edəcək", o qeyd edib.

Həbsdə olan bloger Mehman Hüseynova qarşı 2018-ci il dekabrın 26-da yeni cinayət işi başlanılıb. O, 14 saylı cəzaçəkmə müəssisəsinin əməkdaşına xəsarət yetirməkdə ittiham olunur. Bloger ittihamın yalan və böhtan olduğunu bildirib.

O, dekabrın 26-dan etiraz olaraq quru aclığa başladığını bəyan edib. Hazırda bloger maye süd məhsulları içsə də qida qəbulundan imtina etməkdə davam edir.

Mehman Hüseynov 2017-ci il martın 3-də 2 il azadlıqdan məhrum edilib. O, Nəsimi Rayon Polis İdarəsinin rəisi Musa Musayevin xüsusi ittiham qaydasında qaldırdığı iddia əsasında cəzalandırılıb - polisə böhtan atmaqda təqsirli bilinib.

Mehman Hüseynov həbsinin sosial şəbəkələrdə yaydığı videolarla bağlı olduğunu bildirib.

Blogerə dəstək aksiyaları ara vermir. Berlində Azərbaycan səfirliyi qarşısında və Avropanın digər şəhərlərində dəstək aksiyaları olub. Həbsdə olan ondan çox siyasi məhbus kimi tanınan şəxsin də aclıq aksiyasına qoşulduğu bildirilir.

Öz növbəsində, Azərbaycan hökuməti beynəlxalq tənqidləri qəbul etmir və qərəzli sayır.

Yüksək dövlət məmurları ölkədə hüququn aliliyinin təmin edildiyini, insanların qanun qarşısında bərabər olduğunu, fikirlərinə, siyasi baxışlarına görə həbs edilmədiyini bildirir. (amerikanınsesi)

Məhbusların aclıq aksiyasının 5-ci günüdür.

Bloger Mehman Hüseynova dəstək olaraq, "Siyasi məhbuslara azadlıq!" tələbilə 13 saylı cəzaçəkmə müəssisəsində aclıq aksiyası keçirən ictimai-siyasi fəallar aclığı davam etdirir. Bu haqda Meydan TV-yə aclıq edən dörd fəaldan birinin anası məlumat verib.

Bu müəssisədə saxlanan fəallardan "Nida" Vətəndaş Hərəkatının üzvü İlkin Rüstəmzadə, Heydər Əliyevin heykəlinə "Qul bayramınız mübarək!" şüarı yazdıqdan sonra həbs olunan Bayram Məmmədov, jurnalist Elçin İsmayıllı və "Müsəlman Birliyi Hərəkatı"nın koordinatoru, dindar fəal Əhsən Nuruzadə yanvarın 13-də birgə məktub yayaraq, aclığa başladıqlarını bəyan edib.

"Beş gündür aclıq edirlər, amma bizdə olan məlumata görə, hələlik heç birinin səhhətində ciddi problem yoxdur. Əhvalları da yaxşıdır. Ancaq aksiyanı dayandırmaları üçün ciddi təzyiq altındadılar. Əvvəl həm onların özlərinə, həm də şəxsən bizə naməlum şəxs zəng edib, aclığı dayandırmasalar, müəssisəyə qoşun yeridiləcəyilə hədələyirdilər. Bildiyimə görə, son vaxtlar hədələrin məzmunu dəyişib. İndi də onları Qobustana (həbsxanaya), ya da vərəmli məhbusların saxlandığı 3 saylı müəssisəyə köçürməklə hədələyirlər", - aclıq edən məhbusun anası bildirib.

Onun sözlərinə görə, beş gündür övladı və daha üç fəal aclıq etsə də, onların aksiya keçirməsi barədə ərizələrini cəzaçəkmə müəssisəsinin rəhbərliyi qəbul etməyib.

Penitensiar Xidmət isə Mehman Hüseynova dəstək məqsədilə həbsdə olan başqa fəalların da aclıq etməsi barədə məlumatları təkzib edir. Penitensiar Xidmət bu barədə rəsmi açıqlama da yayıb:

"Son günlər bəzi kütləvi informasiya vasitələrində və sosial şəbəkələrdə cəza çəkdiyi dövr ərzində yeni cinayət əməli törətdiyinə görə barəsində cinayət işi başlanmış Mehman Hüseynova dəstək məqsədilə ayrı-ayrı penitensiar müəssisələrdə saxlanılan bəzi məhkumlar tərəfindən guya aclıq aksiyası keçirilməsi barədə həqiqətə uyğun olmayan məlumatlar yerləşdirilmişdir. Penitensiar xidmət bildirir ki, tabeçilikdə olan istintaq təcridxanalarında və cəzaçəkmə müəssisələrində heç bir məhkum və həbs edilmiş şəxs aclıq aksiyası keçirmir".

Bu gün Şəhid Rasim Hüseynovun dəfn günüdür. 

Vetenugrunda.az bu gün oxucularına Şəhid Rasim Hüseynovu xatırladacaq.

Rasim Hüseyn oğlu Hüseynov 1964-cü ildə Şamaxı rayonunun Cəyirli kəndində dünyaya göz açıb. Orta məktəbi bitirib hərbi xidməti başa vurduqdan sonra Əlibayramlı (indiki Şirvan) rayonu Sənaye Texnikumunda təhsil alıb. Təhsilini başa vurduqdan sonra Şirvanda işləməyə başlayıb.

1990-cı illərdən başlayan müharibə vəziyyəti və ermənilərin vətənimizin torpağına xaincəsinə soxulmaları Rasimi narahat edir. O, 1992-ci ildə könüllü olaraq cəbhəyə yola düşür. Ön cəbhədə bir çox döyüşlərdə iştirak edir. 

Qarabağ müharibəsinin ən qızğın çağlarında, 1994-cü ildə komandir Rasim Hüseynov Ağdamın Güllücə kəndində gedən döyüşlərdə qəhrəmanlıqla iştirak edir. Həmin döyüşlərin birində 6 yanvar günü o, öz əsgərləri ilə bərabər Şəhad zirvəsinə ucalır.

Rasim Hüseynovu yanvarın 18-də Şamaxı rayonunun Cəyirli kəndində torpağa tapşırırlar. Hazırda Cəyirli kəndinə yerləşən məktəblərdən biri Rasim Hüseynovun adını daşıyır. Həmin kəndin abidə kompleksində də Şəhidə bir büst qoyulub. Bundan başqa Hacıqabul rayonunun Muğan qəsəbəsində Şəhidin adına bir küçə var.

Qeyd edək ki, Qarabağ uğrunda gedən döyüşlərdə Cəyirli kəndi 3 Şəhid verib. Mirtalib Babayev isə itkin düşüb. Bu günə qədər bu döyüşçüdən xəbər yoxdur. 1993-cü ildə Qarabağ uğrunda canlarından keçmiş qəhrəmanlar Şəhid Rasim Hüseynov, Şəhid Ayaz Quluyev və Şəhid Hicran Səmədov könüllü olaraq döyüşlərə qoşulmuş və Şəhadət zirvəsinə ucalmışlar. Bütün Şəhid və itkin düşənlərə Allahdan rəhmət diləyirik. Vətən sağ olsun!

Press TV-nin tanınmış aparıcısı Mərzieh Haşheminin qanunsuz həbsi hələ də müəmmalı olaraq qalır. 

Vetenugrunda.az-ın verdiyi xəbərə görə İranın Press Tv kanalında Amerika üçün ingiliscə xəbər aparıcısı işləyən qadın xəstə qardaşı və digər qohumları ilə görüşmək üçün ABŞ-a, öz vətəninə gedib. Oğlunun verdiyi xəbərə görə, o, Nyu Orlean ştatındakı qohumlarını ziyarət etdikdən sonra "Black Lives Matter" adlı sənədli filmi çəkmək üçün getdiyi Vaşinqtonda həbs edilib.

Onu ABŞ-ın Mərkəzi Kəşviyyat İdarəsi Vaşinqtonda yerləşən bir zindana köçürüb. Jurnalist xanıma qarşı heç bir ittiham irəli sürülməyib. Müsəlmanlığ qəbul edən inanclı xanım həbsxanada verilən donuz ətindən imtina etdiyi üçün günlərdir ki, aclıq çəkir.

Qeyd edək ki, Amerika vətəndaşı olan xanım Melonia Franklin müsəlmanlığı qəbul etdikdən sonra adını və soyadını dəyişdirib Mərzieh Haşhemi olub. 

Haşheminin qohumlarından yalnız qızı onunla əlaqə saxlaya bilib. Anası isə qolları qandallı olduğunu və bütün hüquqlarından məhrum edildiyini bildirib.

Həbsxana girişində baş örtüyünü çıxarmağa məcbur edilən inanclı qadına qolu kəsik köynək veriblər. Hicablı xanım başqa bir köynəklə başını örtsə də qolları hələ də açıq qalıb. 

2 -dən səhifə 1241
Top
JoomlaLock.com All4Share.net