Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.
Çərşənbə, 21 Fevral 2018 13:37

Tale Bağırzadə Cenevrədə anıldı-VİDEO

Bu barədə hüquq müdafiəçisi Anar Məmmədli sosial şəbəkədə məlumat verib.

Vetenugrunda.az məlumat olduğu kimi təqdim edir: "Bu gün Cenevrədə keçirilən İnsan Hüquqları və Demokratiya uğrunda sammit çərçivəsində UN Watch təşkilatı dünyanın dörd bir yanında həbsdə olan siyasi məhbusların foto sərgisini təşkil edib. Sərgidə Azərbaycanda həbsdə olan siyasi məhbuslardan Taleh Bağırzadənin də fotosu vardı".

Qeyd edək ki, Taleh Bağırzadə 2015-ci il noyabrın 26-da DİN-in Baş Mütəşəkkil Cinayətkarlıqla Mübarizə İdarəsinin Nardaranda keçirdiyi əməliyyat nəticəsində həbs olunub. Həmin əməliyyatda ikisi polis olmaqla, altı nəfər həlak olub. Həmin gün Taleh Bağırzadə ilə yanaşı, daha 16 nəfər saxlanılıb. Ümumiyyətlə, Nardaran əməliyyatından sonra 200-ə yaxın adam həbs olunub.

Taleh Bağırzadə və digər həbs olunanlar onlara verilən qəsdən adam öldürmə, dövlət çevrilişinə cəhd, qanunsuz silah saxlama və s. cinayətlərdə ittiham olunublar.

T.Bağırzadə Bakı Ağır Cinayətlər Məhkəməsində keçirilən Nardaran-1 məhkəmə işində ittiham edilən 12 nəfərdən biri olub. Məhkəmənin hökmü ilə 20 il müddətinə azadlıqdan məhrum edilib.

Fevralın 13-də Qaradağ Rayon Məhkəməsində şərlənərək həbs edilən Müsəlman Birliyi Hərəkatının lideri ilahiyyatçı alim Tale Bağırzadənin növbəti məhkəmə prosesi baş tutub. Bu dəfə CM-nin 317-2.1 (həbsdə saxlanılan şəxsin qadağan olunmuş əşya hazırlaması, daşıması və ya istifadəsi) maddəsi ilə təqsirli bilinərək ilahiyyatçıya 5 ay həbs cəzası verilib.

İttihama görə, Qobustan həbsxanasında T.Bağırzadədən yeddi ədəd "microSD" tipli yaddaş kartları aşkar edilib.

T.Bağırzadə özünü təqsirli bilməyib. Çünki bu kartların qadağan olunması haqqında məhbusu öncədən məlumatlandırmayıblar və qanunvericilikdə "microSD" tipli yaddaş kartlarının məhbusların istifadə etməsinə qadağa qoyulması ilə bağlı konkret maddə yoxdur.

Anar Mammadli adlı şəxsin şəkli.

Çərşənbə, 21 Fevral 2018 13:36

Ən pis təam hansıdır?

Müttəqilərin ağası imam Əli (ə) bir hədisdə belə buyurur:

بِئْسَ الطَّعامُ الْحَرامُ

"Haram (yolla əldə olunan) təam pis təamdır..." ("Qürərül-hikəm", səh.170.)

Bu cümləni iki cür təfsir etmək olar:

1. İlkin olaraq deyə bilərik ki, bir insan, adətən, dünya işlərini dəyərləndirmək, onlardan bəhrələnmək və ya pəhriz etmək üçün ölçüdən istifadə edir. Həmin ölçü əsasında işləri qiymətləndirir və bu işlərə münasibətdə vəzifəsini müəyyənləşdirir. Məsələn, bir şəxs özünə deyə bilər ki, mənim təbimə uyğun gələn nə varsa yaxşıdır, təbimə uyğun gəlməyənlər isə pisdir. Ya da insan belə bir meyarı əsas götürür ki, nədən ki ləzzət alıram yaxşıdır, nədən ki ləzzət almıram pisdir və bütün dünyəvi işlərini bu meyar əsasında tənzimləyir.

İmam Əlinin (ə) nəzərində isə bu sırf maddi meyarın heç biri düzgün deyil. Əksinə, mənəvi və ruhani meyar nəzərdə tutulmalıdır. Hər xoşa gələn qidanın yaxşı, hər xoşa gəlməyən qidanın pis sayılması düzgün fikir deyil. Ləzzət və tamsızlıq, təbəuyğunluq və qeyri-uyğunluqdan əlavə, mənəvi meyar da nəzərdə tutulmalıdır. O qida yaxşıdır ki, dadsız da olsa halal olsun. O qida pisdir ki, şirin və dadlı da olsa, haram olsun.

Bu təfsirə əsasən, təkcə zahiri meyarlarla kifayətlənməməli, mənəvi dəyərlərə də diqqət yetirilməlidir. Bu cəhətə görə deyə bilərik ki, Əmirəlmöminin Əlinin (ə) "haram yolla əldə olunan təam pis təamdır" – cümləsini bəyan etməkdə məqsədi, həqiqətən, dünyəvi ləzzətlərin mənəvi tərəfinə diqqət yetirilməsidir.

2. Uyğun kəlam üçün verilə biləcək digər bir təfsir budur ki, imam Əlinin (ə) məqsədi mütləq haramdır. Yəni Həzrətin (ə) kəlamı bu mənaya işarə edir ki, bizim gördüyümüz işlərin hamısı ruhumuzun formalaşmasına təsir göstərir. Bu dünyada qəbul etdiyimiz qidalar bədənimizdə təsir qoyur. Faydalı və sağlam qida bədənimizi inkişaf etdirir, bədənin sağlamlığını və enerjisini təmin edir.

Qida zəhərli olsa bədən xəstələnər, növbənöv mikroblara yoluxar, bəzən də ölümlə çarpışmalı olar. Anoloji olaraq, insanın ruhu da onun dünyadakı yaxşı və pis əməllərinin nəticəsində sağlam və ya xəstə, diri və ya ölü ola bilər. Gördüyümüz işlər əslində ruhumuza təqdim etdiyimiz qidalardır. Pis və zəhərli qidalar orqanizmimizi xəstələndirdiyi kimi, günah və haram işlər də ruhumuzu xəstəliyə düçar edir.

Ruhumuza təsir göstərən bu əməllərimiz və rəftarlarımızdır. Necə ki, yediyimiz qidalar bədənə təsir göstərir, əməl və rəftarlar da ruhumuzda təsir qoyur.

Bu təfsirə əsasən, Həzrətin (ə) kəlamının mənası budur ki, haram tikə, haram iş insan ruhunun pis qidasıdır! (maide.az)

Ukraynanın paytaxtı Kiyevin meri, tanınmış siyasətçi və boksçu Vitali Kliçkoya Bakıda 5 otaqlı mənzil hədiyyə olunub. V.Kliçkoya Mənzil Bakıya sonuncu gəlişi zamanı verilib.

Belə ki, ötən ilin oktyabr ayında Dünya Boks Şurasının (WBC) Bakıda işinə başlayan 55-ci Konvensiyasında iştirak etmək üçün Vitali Kliçko Azərbaycana gəlib. Həmin tədbirdə Dünya Boks Şurasının (WBC) prezidenti Maurusio Süleyman, məşhur boksçular – Vitali Kliçko və Evander Holifild Azərbaycanın gənclər və idman naziri Azad Rəhimova çempion kəməri hədiyyə ediblər.

Tədbirdən sonra nazir Azad Rəhimov və oğlu Arif Rəhimov qonaqlar – Vitali Kliçko, Maurusio Süleyman və Evander Holifild Bakıdakı Teleqüllə restoranında axşam yeməyində bir araya gəliblər. Ziyafət zamanı Azad Rəhimov Evander Holifild və Maurusio Süleymana bahalı İsveçrə saatı hədiyyə edib. Nazir oğlunun Vitali Kliçkoya hədiyyəsi isə, gözlənilməz olub.

Belə ki, Arif Rəhimov Bakıda sahibi olduğu "Renessans Palace" yaşayış kompleksindən 5 otaqlı mənzilin açarını Vitali Kliçkoya uzadaraq həddiyyəsini təqdim edib.

Şam yeməyi zamanı Arif Rəhimov təsisçisi olduğu "AS Group" şirkəti tərəfindən Bakıda həyata keçirilən meqa layihələr haqqında məlumat verib. Nazir oğlu Vitali Kliçokdan Ukrayna tikinti bazarına girmək üçün kömək istəyib. Sonunçu Arif Rəhimovun bu istəyinin mümkün olduğunu bildirərək işi danışmaq üçün onu dekabr ayında Kievə dəvət edib.

Məlumat üçün üçün qeyd edək ki, Arif Rəhimov bir çox məşhur şirkətin təsisçiliyini edən gənc iş adamlarından sayılır. O, “AS Group” şirkətlər qrupunu 2003-cü ildə qurub. Şirkətlər qrupu dövlət və özəl sektorda kompleks layihələr həyata keçirir. Buna infrastruktur layihələrinin həyata keçirilməsi, mülki, inzibatı və sənaye obyektlərinin tikintisi daxildir. Şirkət eyni zamanda çınqıl, qum, armokarkas, beton və beton məhsullarının, dəmir-beton məmulatlarının iri istehsalçısıdır. "AS Group"-a "AS İnşaat", "AS Tikinti", "AS Georgia", "AZBesix", "Alkoholl", "AS AGRO KO" törəmə şirkətlər daxildir.

Şahin Mövsumov adlı şəxsin rəhbərlik etdiyi şirkət Bakıda 4 böyük yaşayış kompleksi tikib. Onlar "Renessans Palace", "Dirsi", "Park Residence", "Villa Siena"-dır. Vitali Klçikonun mənzil hədiyyə aldığı "Renessans Palace" Yasamal rayonu, Zahid Xəlilov küçəsində yerləşdir. 18 mərtəbəli binada orta təmirli mənzilin qiyməti 500 -700 min manat arasındadır.

Arif Rəhimov 12 ildir Azəbryacanın gənclər və idman naziri olan Azad Rəhimovun yeganə övladıdır. Orta məktəbi Bakıda bitirən, daha sonra Azərbaycan Dövlət İqtisad Universitetində oxuyan Arif Rəhimov ardından ali təhsilini İngiltərənin paytaxtında davam etdirib. Azərbaycan, rus və ingilis dillərini bilən Arif Rəhimov 2011-2012-ci illərdə Londondakı Cass Business School-da neft və energetika sənayesi ixtisasına yiyələnib.


2009-cu ilin oktyabrından 2011-ci ilin noyabrınadək Azərbaycan Dövlət Neft Şirkətində maliyyə meneceri vəzifəsində işləmiş Arif Rəhimov sonradan "DDLAR GROUP" adlı özəl şirkətini qurub və hazırda da ona rəhbərlik edir. Arif Rəhimov yuxarda da qeyd etdiyimiz kimi bir çox məşhur şirkətlərin sahibidir. Hazırda həmin şirkətlərə özünün təyin etdiyi adamlar rəhbərlik edir.

Bununla paralel Arif Rəhimov 2014-cü ilin yanvarında yaradılmış "Baku Grand Prix" şirkətinin də rəhbəridir. Yeri gəlmişkən, "Baku Grand Prix" şirkəti 2016-cı ildən Bakıda keçirilən dünyada avtomobil idmanının ən bahalı növlərindən birinin – "Formula 1" in "Qran Pri" yarışının təşkilatçısıdır.

Arif Rəhimov evlidir və hazırda Londonda yaşayır.(Azeuronews)

Çərşənbə, 21 Fevral 2018 11:45

İranın müdafiə naziri Azərbaycana gəlib

İran İslam Respublikasının müdafiə və Silahlı Qüvvələrə dəstək naziri general-mayor Əmir Hatəminin rəhbərlik etdiyi nümayəndə heyəti bu gün Azərbaycana rəsmi səfərə gəlib.

Rəsmi açıqlamada qeyd olunur ki, general Bakıda ikitərəfli hərbi əməkdaşlığı, eləcə də beynəlxalq və regional məsələləri müzakirə edəcək. 

Səfər çərçivəsində İran nümayəndə heyətinin Azərbaycanın Müdafiə Nazirliyi və digər dövlət strukturlarında görüşlərinin keçirilməsi nəzərdə tutulub.

Səfər fevralın 22-dək davam edəcək.

Qeyd edək ki, bir aydan sonra, martın 29-da İran prezidenti Həsən Ruhani Bakıya rəsmi səfərə gələcək.

2 -dən səhifə 885
Top
JoomlaLock.com All4Share.net