Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Tale Bağırzadə: "Düşünürəm ki, bundan gözəl sivil yol hazırda yoxdur".

Müsəlman Birliyi Hərəkatının sədri Tale Bağırzadə Qobustan həbsxanasından Milli Şuranın 19 yanvar mitinqinə münasibət bildirib.

Vetenugrunda.az-ın verdiyi xəbərə görə, MBH-nin lideri T.Bağırzadə bütün xalqı 19 yanvar mitinqinə qoşulmağa çağırıb:

"Əziz bacı və qardaşlarım.
Son günlər mətbuatda yayılan məlumatlar bizləri narahat etməyə bilmir. Verilmiş cəza bitməmiş üzərinə əlavə cəzalar verilir və bir neçə il cəzanı artırırlar. Qobustan həbsxanasında bizlərə olunmuş zorakılıqlar və sair.

Biz bir daha bəyan edirik ki, bizim mübarizəmiz sivil yolladır. Bizə qarşı hansısa zorakılıq olarsa biz buna sivil yolla cavab verərik. Son günlər bizə qarşı baş verənlər provakasiyadır. Biz bunu qınayırıq və edilən qanunsuzluqlara son qoyulmasını tələb edirik. Hökumət bizə qarşı istənilən provakasiyaya görə məsuliyyət daşıyır.

Həbsxabalardakı islamçılar hər an aclıq aksiyasına başlaya bilərlər. Biz hələki bu barədə səbr edirik. Bundan əlavə olaraq Milli Şuranın 19 yanvar tarixində keçirilməsi planlaşdırılan "Bütün siyasi məhbuslara azadlıq!" tələbi ilə keçiriləcək aksiyaya qatılmağa səsləyirəm. Aksiyada Azərbaycanın vicdanlı kişi və qadınları olan siyasi məhbuslara azadlıq şüarı səsləndiriləcək. Düşünürəm ki, bundan gözəl sivil yol hazırda yoxdur.
MBH 17.01.2019 saat 21:14"

Qeyd edək ki Milli Şuranın təşkilatçılığı ilə 19 yanvar tarixində Yasamal rayonunda yerləşən Məhsul stadionunda  "Bütün siyasi məhbuslara azadlıq!" tələbi ilə mitinq keçiriləcək. Mitinqə rəsmi olaraq icazə verilib."

Avropa Parlamentinin Azərbaycanda insan hüquqlarının pozulması ilə bağlı vəziyyət və bloger Mehman Hüseynovun işinin müzakirə olunduğu bugünki iclasında Azərbaycan hakimiyyəti kəskin tənqidlərə məruz qoyulub.

Müxtəlif ölkə və fraksiyalardan olan iyirmiyə yaxın deputatın qiymətləndirməsi və hökuməti tənqidi kəskin olub.

Xüsusən, Azərbaycan hakimiyyətinin uzun illərdir öz öhdəliklərinə məhəl qoymaması, insan hüquqlarını və demokratiya normalarını kobud şəkildə və saymazcasına pozması diqqət mərkəzində olub.

Deputatlar avropalı siyasətçilər arasında Azərbaycan hakimiyyətindən aldıqları pul müqabilində insan hüquqlarının pozulmasına göz yuman, rəsmi Bakının müdafiəçisi olmağa çalışan, bu zaman Avropa üçün qaz mənbəyi kimi Azərbaycanın əhəmiyyəti ilə spekulyasiya edən lobbiçiləri tənqidə məruz qoyublar.

"Pedro Aqramuntu və pula satılan, Bakının korrupsioner rejimini müdafiə edən digər avropalı deputatları və məmurları məsuliyyətə çağırmaq lazımdır."

"Azərbaycanın Avropanın tərəfdaşı olaraq qaldığı və onun qazının avropalıların Moskvadan asılı olmamasına kömək etməsi haqqında spekulyasiyalara son qoyulmalıdır."

"Hakimiyyətin özbaşınalığına son qoyulmalı, birinci şəxsə və Azərbaycanda insan hüquqlarının kobud şəkildə pozulmasında təqsirli olan bütün digər məmurlara qarşı sanksiyalar tətbiq edilməlidir.”

Deputatların bugünkü çıxışlarının əsas tezisləri belə olub. Çıxışlara Ticarət üzrə Avropa Komissarı Sesiliya Malstr yekun vurub.

O qeyd edib ki, Brüssel Azərbaycan hakimiyyəti ilə Mehman Hüseynovun işi üzrə daimi dialoq aparır, onun dərhal və qeyd-şərtsiz azad edilməsini tələb edir.

Mehman Hüseynova qarşı saxtalaşdırılmış yeni cinayət işi Avropa İttifaqı və Azərbaycan arasında tərəfdaşlıq münasibətlərinə ziddir.

"Ona qarşı saxtalaşdırılmış yeni cinayət işi Avropa İttifaqı və Azərbaycan arasında tərəfdaşlıq münasibətlərinə ziddir. Biz Bakı ilə daimi dialoqu davam etdirirk və bu ölkə ilə yeni saziş ətrafında danışıqlarımıza mütləq demokratiyaya, insan hüquqlarına, qanunun aliliyinə və ədalətli dövlət idarəçiliyinə dəstək bəndləri daxil ediləcək.

Bu müddəalar çərçivəsində biz Azərbaycanın vətəndaş cəmiyyəti ilə əlaqə saxlayacağıq və fevralın 5-də məsləhətləşmələrimizi Bakıda davam etdirəcəyik," o bildirib.

Avropa Komissarı həmçinin qeyd edib ki, Avropa İtiifaqınımn Bakı ofisi təkcə Mehman Hüseynovun deyil, digər siyasi məhbusların işlərini də diqqət mərkəzində saxlayır.

Müzakirələrin yekunlarına görə Avropa Parlamenti Bakını insan hüquqlarının kütləvi və kobud şəkildə pozulmasına görə tənqid edən "Azərbaycanda Mehman Hüseynovun işi" adlı 2019/2511 saylı qətnaməni 533 səslə qəbul edilib.

Öz növbəsində, rəsmi Bakı beynəlxalq tənqidləri qəbul etmir və qərəzli sayır. Dövlət rəsmiləri ölkədə fundamental azadlıqların, o cümlədən mətbuat və toplaşmaq azadlığının tam təmin edildiyini bəyan edir.

Bununla yanaşı yerli hüquq müdaifəçiləri 150 insanı siyasi məhbus kimi tanıyır. Betynəlxalq təşkilatlar ölkədə on nəfər jurnalist və blogerin həbsdə olduğunu bildirir. Amnesty İnternational ondan çox insanı vicdan məhbusu elan edib.

Avropa Şurasının Parlament Assambleyası Azəbaycanda siyasi məhbuslar üzrə məruzəçi təyin edib. (amerikanınsesi)

Sabirabadda polisin vətəndaşı siyasi mənsubiyyətinə görə incitdiyi bildirilir.

Sabirabad rayon Kovlar kənd orta məktəbinin tarix müəllimi Qulu Məmmədov təzyiqə məruz qaldığını deyir.

Tarix müəlliminin bildirdiyinə görə, yanvarın 11-də və 16-da Sabirabad Rayon Polis Şöbəsinə çağırılıb. Buna AXCP üzvü olmasını və sosial şəbəkələrdəki paylaşmlarını səbəb göstərir. Onun sözlərinə görə, ötən il, mitinqlər ərəfəsində də Sabirabad Rayon Təhsil İdarəsi, hətta qohumları tərəfindən təzyiqlərə məruz qalıb. Bu dəfə isə polisin hədəfindədir.

Qulu Məmmədov yanvarın 12-də Polis Şöbəsinin rəis müavini Aqşin Tağıyevlə görüşdüyünü deyir:

"Mənə söylədi ki, dövlət sənə iş, maaş verir, sən isə "Facebook"da dövlətin əleyhinə yazır, yazılanları da bəyənirsən, belə olmaz. Cavab verdim ki, AXCP üzvüyəm və vətəndaş olaraq ifadə azadlığı mənim konstitusion hüququmdur, burda qanunazidd heç nə yoxdur. Əgər qanunsuz hərəkət edirəmsə, cinayət işi qaldırıb həbs edin. Söhbət normal atmosferdə 20 dəqiqə davam etdi, sonda dedi ki, telefonun açıq olsun, əlaqə saxlayacağıq".

Müəllimin sözlərinə görə, yanvarın 15-də ona təkrar zəng edilsə də, telefonu bağlı olub, 1 gün sonra yenidən zəng ediblər.

"Sahə müvəkkili idi, mən də məktəbdə dərsdəydim, gəldi ki, polis rəisi səninlə görüşmək istəyir. Məni maşınla apardılar Rayon Polis İdarəsinə, bu dəfə tanımadığım rəis müavini qəbul etdi, sərt və kobud danışdı, əsasən "dövlətdən maaş alırsan, amma əleyhinə yazırsan" və s. dedi. Mən də əvvəlki kimi qeyri-qanuni hərəkət etmədiyimi söylədim, bundan sonra polis rəisi Namiq Camalovun kabinetinə apardılar. Namiq Camalov yüksək səslə dövlətə qarşı çıxdığımı dedi. Mən qanunsuz heç nə etmədiyimi bildirəndə, kobud ifadələr işlətdi. Yanındakı rəis müavini də dedi ki, onunla müəllim kimi rəftar etməyin", - müəllim bildirir.

Qulu Məmmədovun sözlərinə görə, onu yenidən rəis müavininin otağına aparıblar, ardınca Aqşin Tağıyev də gəlib. Ona deyiblər ki, "Facebook" hesabını bağlamasa, başqa cür rəftar edəcəklər:

"Cavab verdim ki, məhkəməyə müraciət edin, əgər qanunsuzluq edirəmsə, məhkəmə qərar qəbul edəcək. 2 saatlıq danışıqdan sonra sərbəst buraxıldım".

Qulu Məmmədovun sözlərinə görə, idarədə ona fiziki təzyiq olmasa da, kobud davranılıb və hədə-qorxu gəliblər:

"Mən yenə də o fikirdəyəm ki, statuslarımda qanunları pozan fikir yoxdur, bu, mənim konstitusion hüququmdur".

Sabirabad Rayon Polis İdarəsinin növbətçi hissəsindən Meydan TV-yə deyiblər ki, rəis Namiq Camalov və müavini Aqşin Tağıyev yerlərində olmadığından onlarla əlaqə yarada bilməyəcəklər. Özləri isə bu barədə açıqlama verə bilməzlər.

Bu, Azərbaycanda ilk hadisə deyil. 2017-ci ilin 28 aprelində AXCP-nin Neftçala rayon təşkilatının sədri Əflatun Əhmədzadə və xanımı Ülkər Əhmədzadə işlədikləri orta məktəblərdən çıxarılıblar.

Ə.Əhmədzadə Mayak kənd 1 saylı məktəbində fizika, xanımı Ülkər Əhmədzadə isə rayonun 3 saylı məktəbində rus dili fənnindən dərs deyib. Onların işdən çıxarılmasının səbəbi kimi Milli Şuranın 8 aprel aksiyasında iştirak etmələri və AXCP üzvü olmaları göstərilir. Sonradan rayon məhkəməsi onları işinə bərpa edilməsi barədə qərar çıxarıb.

2017-ci ilin iyununda isə AXCP-nin Masallıdan olan Ali Məclis üzvü Laçın Mirəsgərli və həyat yoldaşı işdən çıxarılıb.

Bu barədə Meydan TV-yə danışan Laçın Mirəsgərli başlarına gələnin siyasi fəaliyyəti ilə bağlı olduğunu deyib:

"Mən Çaxırlı kənd məktəbində müəllim, həyat yoldaşım isə kənd tibb məntəqəsində çalışırdıq. Mayın 2-də məni rayon Təhsil Şöbəsinin əmriylə Əmək Məcəlləsinin 70-ci bəndinin tələblərini pozmaqda ittiham edib, müəllimlikdən uzaqlaşdırdılar".

"MDB məkanı da daxil olmaqla, dünyanın istənilən ölkəsində çətin vəziyyətə düşən Rusiya vətəndaşları ilə bağlı məsələlərə ikitərəfli kontaktlar zamanı müntəzəm olaraq toxunuruq".

Eurasia Diary xəbər verir ki, bunu Rusiyanın xarici işlər naziri Sergey Lavrov bu gün keçirdiyi mətbuat konfransında erməni jurnalistin Azərbaycanda həbs olunan Rusiya vətəndaşı Marat Ueldanovun ekstradisiyası ilə bağlı sualını cavablandırarkən bildirib.

"Sizi əmin edirəm ki, bu konkret məsələyə də Azərbaycandan olan həmkarlarımızla görüş zamanı toxunmuşuq. Ümid edirəm ki, biz dialoq, hüquq normalarına söykənən qərarlar vasitəsilə hamını qane edən nəticəni əldə edəcəyik və Rusiya vətəndaşı olan bu şəxsi geri qaytara biləcəyik"– deyə Lavrov əlavə edib.

Qeyd edək ki, 2016-cı il iyulun 28-də Bakıda Rusiya vətəndaşı Marat Ueldanov saxlanılıb. Ona qarşı narkotiklərin qanunsuz dövriyyəsi ittihamı irəli sürülüb. Bundan sonra Ermənistan mətbuatı və Rusiyadakı ermənipərəst KİV M. Ueldanovun bacısı Marianna Mirzoyana istinadən məlumat yayıblar ki, guya M. Ueldanov erməni olduğuna görə saxlanılıb. Bacısının dediyinə görə, Marat həyat yoldaşının soyadını götürüb.

3 -dən səhifə 1241
Top
JoomlaLock.com All4Share.net