Arzu Xanim

Arzu Xanim

Email: Bu email ünvanı spambotlardan qorunur. Onu görmək üçün JavaScripti qoşmaq lazımdır.

Səudiyyə Ərəbistanında çevriliş baş verməsi haqqında iddialar dolaşır.

Vetenugrunda.az-ın verdiyi xəbərə görə, bu barədə aljazeera.net xəbər yayıb. Eyni zamanda yerli əhali sosial şəbəkələrdə kral sarayından gələn atışma səslərinin susmadığını bildirir.

Səudiyyə Ərəbistanının paytaxtı Riyadda kral sarayının ətrafında partlayış və atışma səslərinin getdikcə şiddətləndiyi deyilir. Türkiyə mətbuatı isə atışmanın şahzadə Məhəmməd ibn Salmanın sarayının yaxınlığında baş verdiyini yazır.

Amerika mediası Quru Qüvvələri komandanı, general Alukas Nepilsinin idarə etdiyi bir qrupun kral sarayında çevriliş etdiyini iddia edir. Digər xəbərlərdə isə deyilir ki, şahzadə atışma zamanı təyyarəsi ilə ölkədən qaçmağı bacarıb. 

Ermənistanda aprelin 13-dən başlanan etiraz aksiyaları ölkəni qasırğa kimi ağuşuna alıb. Sabiq prezident Serj Sarksiyanın baş nazir postuna gətirilməsinə etiraz edən ermənilər onun Rusiyanın adamı olduğunu iddia edirlər.

Vetenugrunda.az-ın erməni mətbuatına istinadən verdiyi xəbərə görə, bu gün Ermənistanın daha 4 şəhəri bu aksiyalara qoşulub.

Bu arada Ermənistan prezidenti Aram Sarkisiyan aksiyanın lideri, deputat Nikol Paşinyanla görüşmək üçün növbəti müraciətini edib. O, ölkəsində baş verən qarşıdurmanın ağır nəticələrindən qorxduğunu və bu nəticənin erməni xalqını vətəndaş müharibəsinə sürüklədiyini bildirib. A.Sarksiyan deyib ki hər bir erməni vətəndaşından ötrü narahatdır. O, hər bir erməninin sevinc içində, bəxtiyar yaşamasına məsuliyyət daşıdığını qeyd edib.

N.Paşniyan isə bu gün canlı yayımla etdiyi çıxışında deyib, o, özü ölsə belə bu etirazlar Sarksiyan baş nazir postunu tərk etməyincə davam edəcək. O, prezidentin görüş təklifini dəfələrlə rədd edib.  

Lakin bu gün axşam saatlarında prezidentin N.Paşniyanla görüşü baş tutub.

Ermənistan prezidenti Armen Sarkisyan Yerevanın Respublika meydanında keçirilən etiraz aksiyasına gələrək müxalifət lideri Nikol Paşinyanla görüşüb.

A.Sarkisyan etirazçılarla dialoqun aparılacağına ümidvar olduğunu bildirib. O, daha sonra baş nazir Serj Sarksiyanla görüşüb. Görüşmələrdən sonra mətbuata açıqlama verən Nikol Paşniyan bildirib ki bu gecə Respublika meydanında konset baş tutacaq. Sabahdan yenə də Ermənistanın müxtəlif bölgələrində aksiyalar başlayacaq.

Şənbə, 21 Aprel 2018 21:31

Bu gün Həzrət Abbas (ə) mövlududur

HACƏTLƏR QAPISI HƏZRƏT ƏBÜLFƏZL (ə)
Bizim əmimiz Həzrət Əbülfəzlin (ə) dolğun təfəkkürü, geniş baxışı və...

Həzrət Abbas (ə) xoşxasiyyətli, xoş simalı və gözəl bir insan idi. Şücaət və gözəl sifətlərdə Əmirəlmöminin (ə) övladları arasında öncüllərdən idi. Əbülfəzl Abbas İslam tarixinə böyük şəxsiyyət, alim, təqvalı insan və ən mühümü Kərbəlada göstərdiyi qəhrəmanlığı ilə düşüb. Xüsusən də Kərbəlada sonsuz sədaqəti və qəhrəmanlığı Əbülfəzl Abbası (ə) müsəlmanlara sevdirir.

"Qəməri Bəni-Haşim" ləqəbi ilə tanınmış Həzrət Əbülfəzl ibn Əli (ə) hicrətin 26-cı ili, şəban ayının 4-də dünyaya gəlmişdir. İslam aləmində Həzrət Əbülfəzl (ə) Qəməri-Bəni-Haşim (yəni Haşim Nəslinin Ayı) ləqəbi ilə məşhurlaşıb. Atası, Həzrət Əli (ə), anası isə öz şücaətləri ilə ad qazanmış "Kilab" qəbiləsindən olan Ümmülbənidir. Xanım Fatimə (s.ə) dünyasını dəyişdikdən sonra Həzrət Əli (ə) qardaşı Əqilə demişdi ki, onun üçün elə bir tayfadan həyat yoldaşı seçsin ki, onun üçün qeyrətli və şücaətli bir oğlan dünyaya gətirsin. Əqil bütün tayfaların əsl-nəcabətini yaxşı bildiyi üçün məhz Ümmülbənini həzrət Əliyə (ə) tövsiyə elədi.

Həzrət Əlidən (ə) tərbiyə alan Həzrət Əbülfəzl bütün insani dəyərləri və xüsusiyyətləri özündə təcəssüm etdirən bir şəxs olmuşdur. öz şücaəti, qəhrəmanlığı ilə tarixə silinməz və əvəz olunmaz izlər salmışdır. Imam Cəfər Sadiq (ə) belə buyurur: "Bizim əmimiz Həzrət Əbülfəzlin (ə) dolğun təfəkkürü, geniş baxışı və güclü imanı var idi. O (ə), Imam Hüseynlə (ə) birgə zalım Yezidə qarşı sonadək mübarizə apardı. O Həzrətin (ə) yolunda canını fəda edib şəhid oldu."

İmam Səccad (ə) o həzrətin (ə) barəsində belə buyurur: "Həzrət Abbas (ə) təlim görməmiş alimdir. çünki o, ilahi elmin mənbəyi, Həzrət Peyğəmbərin varisi və vəlisi Həzrət Əlinin (ə), həmçinin behişt cavanlarının ağaları olan Həsən (ə) və Hüseynin (ə) elmindən faydalanmışdır."

Abbasın tərbiyyə aldığı ev ilahi eşq ocağı idi. Bu ev möhtacların və kimsəsizlərin ümid yeri idi. O, atasından öyrəndi ki, insanın həyatı Allah yolunda keçəndə dəyərli olur. Həzrət Abbas çoxlu fəzilətlərinə xatır "Əbülfəzl", yəni fəzilət atası və sahibi ləqəbini qazanmışdı. Həzrət Əbəlfəzl mehriban və səmimi olmaqla yanaşı, cazibəli və gözəl bir insan idi. Bu səbəbdən onu Bəni Haşim ailəsinin ayı (Qəməri-bəni-haşim) adlandırdılar. O həzrət 14 il atası İmam Əlinin (ə) kənarında yaşadı və bu fürsətdə atanın sonsuz elmindən, hikmət və mənəviyyatından bəhrələndi. Həzrət Abbasın öz qardaşları İmam Həsən və İmam Hüseynlə (ə) ünsiyyətdə olması onun uca şəxsiyyətə malik olmasında rol oynamışdır.

O Həzrətin (ə) şücaəti və qəhrəmanlığı barəsində tarixçi Xarəzmi belə nəql edir: "Siffeyn müharibəsində misilsiz şücaəti, yüksək qılınc oynatmaq qabiliyyəti hamını valeh etmişdi. Müaviyə suyu Həzrət Əlinin (ə) ordusunun üzünə bağladıqdan sonra Əbülfəzl (ə) meydana çıxaraq qarşı tərəfdən döyüşçü istədi. Bu zaman Müaviyə Əbu Şəsanı çağırıb dedi ki, sən Şamın ən cəngavərisən, bunu öldür ki, başqalarına ibrət olsun. Lakin o, özü getməyib oğlunu göndərdi. Əbülfəzl (ə) ardıcıl olaraq onun yeddi oğlunu öldürdü. Bunu görən əbu Şəsa qəzəbli şəkildə meydana daxil oldu. Həzrət Əbülfəzl (ə) onu da məğlub edərək öldürdü." Xarəzminin nəql etdiyinə əsasən bundan sonra Müaviyənin qoşunundakılardan onunla vuruşmağa heç kim cəsarət etmədi.

Kərbəla şəhidləri arasında öz yüksək məqamı ilə ad qazanan Həzrət Əbülfəzl (ə) ömrünün sonuna qədər zalımlara qarşı mübarizədən çəkinməyərək Allahın hüccətinni qəhrəmancasına müdafiə edərkən, Əhli Beyt (ə) xanədanına su gətirərkən Fərat sahilində şəhadətə yetişdi. Hələ Tasua gecəsi qarşı tərəfdən gələn "amannamə"yə yox cavabı verən Həzrət Abbas (ə) bir daha öz vəfasını göstərdi. Imam Səccad (ə) Həzrət Əbülfəzlin məqamının şəhid məqamından üstün olduğu barədə belə buyurur: "Allah Təala əmim Abbasa (ə) rəhmət eləsin. O, həqiqətən canından keçib özünü qardaşına fəda elədi, Allah-Təala onun kəsilmiş qollarının əvəzinə əmisi Cəfər Təyyar kimi iki qanad vermişdir ki, mələklər kimi uçaraq cənnətə daxil olsun. Onun Allah Təala yanında elə bir məqamı var ki, Qiyamət günü bütün şəhidlər ona qibtə edər və onun məqamını təmənna edərlər." Imam Sadiq (ə) Həzrət Əbülfəzl (ə) haqqında belə buyurur: "Ilahi haramları sənin haqqında halal bilən və səni öldürməklə islamın hörmətini tapdalayanlara Allah lənət eləsin."

Əbülfəzlin (ə) Kərbəladakı qəhrəmanlığı barəsində Təbəri belə yazır: "Məhərrəm ayının 7-də Imam Hüseyn (ə) ordusunu mühasirəyə alaraq suyu onların üzünə bağladılar. Əbülfəzl (ə) su gətirmək üçün Imam Hüseyndən (ə) icazə alaraq 30 atlı, 20 piyada və 20 su tuluğu ilə Fərat çayına tərəf yollandı. çaya yetişdikdə suyun qarşısını kəsən düşmən qoşunu ilə rastlaşdılar. Bir dəstə onlarla vuruşduğu halda digər dəstə tuluqları su ilə doldurub oranı tərk etdilər. Döyüşçülər arasında öz şücaəti ilə Həzrət Abbas (ə) düşmənin gözünü elə qorxutmuşdu ki, heç kim ona yaxınlaşıb döyüşmək istəmirdi."

Aşura gecəsi Imam Hüseyn (ə) öz xeyməgahında ibadətlə məşğul olarkən Həzrət Əbülfəzl (ə) onu mühafizə etmiş və daim Əhli Beytin (ə) xidmətində durmuşdur. O gecə Həzrət Əbülfəzl (ə) qardaşlarına xitab edərək buyurdu: "Bu gün elə bir gündür ki, gərək cənnəti satın alaq və canımızı Imam Hüseynə (ə) fəda edək. Bunu ona görə etmirik ki, biz onun qardaşlarıyıq, bunu ona görə edirik ki, Imam Hüseyn (ə) Allahın yer üzündəki hüccətidir." Bunu eşidən Imam Hüseyn (ə) buyurdu: "Ey qardaş, aləmlərin Rəbbi sənə əcr versin."

Aşura günü haqqın bayraqdarı olan Əbülfəzl (ə) Imamın göstərişi ilə meydana gedən son şəxs oldu. Bütün səhabələr meydana getmək üçün Imam Hüseyndən (ə) icazə alaraq növbə ilə meydana getdiyi halda Həzrət Əbülfəzl (ə) Imam Hüseynin (ə) əmrini gözləyirdi. Sonda o, Imam Hüseyndən (ə) icazə alaraq su gətirmək üçün Fərata yollandı. Zalımlarla üzləşən Həzrət Əbülfəzl (ə) ilk növbədə onları haqqa tərəf səslədi, lakin onlar buna etina etməyərək öz zülmlərindən əl çəkmədilər. Həzrət Əbülfəzl (ə) tuluğu ilə su doldurub qayıdarkən Onun (ə) sağ əlini kəsdilər. Bir müddət sol əli ilə vuruşduqdan sonra Həzrətin (ə) sol əlini də kəsdilər. Ancaq Kərbəla ələmdarı bayrağın yerə düşməsinə imkan verməyərək onu sinəsinə sıxaraq saxladı. Hər tərəfdən o Həzrəti (ə) ox və nizə ilə yaraladılar. Həzrət (ə) fəryad edərək buyurdu: "Məndən sənə salam olsun ey əba Əbdullah." Bunu eşidən İmam Hüseyn (ə) onun yanına gələrək Həzrətin (ə) mübarək başını qucaqlayaraq buyurdu: "İndi belim sındı, çarəm azaldı və düşmənin dili açıldı."

Həzrət Əbülfəzl (ə) Kərbəlada Imam Hüseynin (ə) hərəminin yaxınlığında dəfn olunub.
O Həzrəti vasitə bilib sidq ürəklə Allah Təaladan istənilən hacətlər tezliklə qəbul olur. Elə bu səbəbə görə o Həzrəti (ə) "Hacətlər qapısı" da adlandırırlar.(maide.az)

ABŞ-da Demokratlar partiyasının Milli komitəsi 2016-cı ildə keçirilmiş przident seçkilərinə müdaxiləyə görə Rusiya hökumətini, Baş Kəşfiyyat İdarəsini (QRU), WikiLeaks saytının qurucusu Culian Assancı, Donald Trampın seçki qərargahını, habelə azərbaycanlı oliqarx Araz Ağalarovu və oğlu Emin Ağalarovu məhkəməyə verib. Virtualaz.org xəbər verir ki, demokratların Milli komitəsi cavabdehlərdən milyonlarla dollarlıq təzminat tələb edir.

Nyu-Yorkun Manhetten Federal dairə məhkəməsinə təqdim edilmiş iddia ərizəsində göstərilir ki, Trampın seçki qərargahının rəhbərliyi Rusiya hakimiyyəti və hərbi kəşfiyyatı ilə sövdələşməyə girərək demokratların prezidentliyə namizədi Hillari Klintona qarşı gözdənsalma kampaniyası başladıb. Habelə Demokratlar partiyasının kompüter şəbəkəsinə kibermüdaxilə həyata keçirərək seçki kampaniyasının gedişini Trampın xeyrinə dəyişdirib.

Demokratların Milli komitəsinin rəhbəri Tom Peres deyib: "2016-cı il prezident seçkiləri kampaniyası zamanı Rusiya bizim demokratiyamıza misli görünməmiş hücum həyata keçirib və bu zaman Donald Trampın seçki qərargahının qismində könüllü, fəal partnyor tapıb. Bu, misli görünməmiş satqınlıq aktı idi: Birləşmiş Ştatlar prezidentliyinə namizədin seçki qərargahı prezident seçkilərində şansını artırmaq üçün düşmən xarici ölkə ilə əlbir olub."

Lakin xarici dövləti məhkəməyə vermək demokratlar üçün hüquqi problemlər yarada bilər. Çünki digər ölkələr ABŞ-da məhkəmə çəkişmələrindən immunitetə malikdir. İddia ərizəsində isə göstərilir ki, Rusiya belə immunitetə malik ola bilməz, çünki kompüter şəbəkəsinə müdaxilə partiyanın özəl mülkiyyətinə qəsddir. Habelə Rusiya bu kibermüdaxilə ilə onların məxfi məlumatlarını ələ keçirib ki, nəticədə casusluq əməli baş verib.

İddia ərizəsində prezident Tramp cavabdeh qismində göstərilmir. Lakin onun bir sıra köməkçiləri, o cümlədən oğlu Donald, kürəkəni Cared Kuşner, seçki qərargahının rəhbəri Pol Manafort və müavini Rik Geyts cavabdeh qismində iddiada yer alırlar.

İddiada göstərilir ki, QRU demokratların seçki qərargahının kompüterlərinə müdaxilə edərək ələ keçirdiyi sənədləri Culian Assanca ötürüb. Trampın ətrafı bu qəsd planında iştirak edib, Rusiya nümayəndələri ilə əlbir olublar və haker müdaxiləsinə açıq dəstək veriblər, Trampın seçki qərargahı isə qanunsuz fəaliyyətə imkan yaradan mütəşəkkil cinayətkar dəstə kimi fəaliyyət göstərib.

Məhkəmə ekspertizası sənədlərinə əsasən demokratların Milli komitəsi 2015-ci il iyulun 27-də və 2016-cı il aprelin 18-də haker müdaxiləsinı məruz qalıb. Hakerlər aprelin 22-nə qədər sənədləri və faylları köçürüblər. Bundan dörd gün sonra Trampın seçki qərargahının xarici siyasət müşaviri Corc Papadopulos londonlu professor Cozef Mifsuddan məlum olub ki, rusların əlində Hillari Klintona qarşı kompromat kimi istifadə olunacaq minlərlə elektron məktub var.

İddiada cavabdeh qismində Papadopulos və Mifsud da yer alırlar. Habelə cavabdehlər qismində Araz və Emin Ağalarovlar göstərilir. Onlar 2013-cü ildə Moskvada "Kainat gözəli" müsabiqəsi təşkil ediblər və Tramp bu mərasimdə iştirak edib. Ağalarovlar habelə rusiyali vəkil Natalya Veselnitskayanın 2016-cı ilin yayında Nyu-Yorkdakı Tramp-touerdə Trampın oğlu ilə görüşünü təşkil ediblər. Bu görüşdə Trampın oğlu Hillari Klintonun əleyhinə kompromatlar əldə etməyə ümid edirdi.

Ağalarovların vəkili Skot Balber isə bu iddianı "yüngül" və "reklam tryuku" adlandırıb. Balber deyib ki, onun müştərilərinin demokratların kompüter şəbəkəsinə müdaxilə ilə hər hansı əlaqəsi olmayıb, o cümlədən onların ABŞ seçkilərinə müdaxilədə hər hansı rolu yoxdur. (virtualaz)

1 -dən səhifə 938
Top
JoomlaLock.com All4Share.net