Həcc ziyarətinə görə ödənişlər geri qaytarılır

Həcc ziyarətinə görə ödənişlər geri qaytarılır

Azərbaycanda Həcc ziyarətinə görə ödənişlərin geri qaytarılmasına başlanılıb

Bu il Həcc ziyarətinin ləğv olunması ilə bağlı Səudiyyə Ərəbistanından rəsmi bildiriş gəlib.

Bu barədə Qafqaz Müsəlmanları İdarəsindən məlumat verib.

Qeyd olunub ki, bu səbəbdən Azərbaycandan Həcc ziyarətinə sənəd qəbulu da ləğv edilib.

Həcc ziyarəti üçün ödəniş edənlərin vəsaitlərinin özlərinə qaytarılmasına başlanılıb. Ziyarət üçün ödənilən vəsait tam şəkildə birdəfəlik ödəmə ilə şəxsin özünə qaytarılacaq:

"Bu il 250-ə qədər şəxs Həcc ziyarətinə getmək üçün müraciət etmişdi və onlardan 150 nəfərə qədəri ödənişi etmişdi. Artıq ödənişlərin qaytarılmasına başlanılıb və hər kəsin vəsaiti özünə qaytarılacaq".

Qeyd edək ki, martın 24-dən Həcc ziyarətinə sənəd qəbul edilmir.(trend)