Koronavirusa görə yardım-Azərbaycanda və dünyada

Koronavirusa görə yardım-Azərbaycanda və dünyada

Pandemiya dövründə sosial paketlər: xaricdə və Azərbaycanda 

Vetenugrunda.az-ın verdiyi xəbərə görə, ADR sədri, iqtisadçı alim Qubad İbadoğlu pandemiya dövründə dünyada və Azərbaycan hökumətin xalqa etdiyi yardımla bağlı maraqlı statistik məlumat paylaşıb: 

Malyziyada elektrik enerjisinin tariflərində endirim edilib, internet ödənişsiz olub, yoxsullara, məmurlara və tələbələrə birbaşa yardımlar verilib, turist bələdçilərinə 144 dollar, tibbi heyətə ayda orta hesabla 150 dollar ödənilib.

Kanadanın neftlə zəngin Alberta əyalətində pandemiya dövründə elektrik və qaz ödənişləri təxirə salınıb.

Qazaxıstan əlillər və işsizlərə pulsuz ərzaq məhsulları verilir.

İran, Özbəkistan, Qırğızıstan, Pakistan, Çin, Monqolustan, Türkmənistan, Gürcüstan yoxsul ailələrə müxtəlif formalarda birbaşa və nağd pul köçürmələri edib.

Rusiya kiçik və orta sahibkarların sosial sığorta ödənişlərini aşağı salıb, işsizlik müavinətlərini və xəstəlik məzuniyyətlərini artırıb, 3 yaşına çatmamış hər bir uşağa görə aylıq uşaq puluna orta heabla 63 ABŞ dolları əlavə edib.

Qatar kiçik və orta sahibkarlar tərəfindən ölkəyə gətirilən qida məhsulları, tibbi ləvazimatlar və avadanlıqların idxalına gömrük güzəştləri tətbiq edib, ölkə əhalisi kommunal xidmətlərdən azad olunub, 2,83 milyon nəfər əhaliyə və biznesə 20,6 milyard dollarlıq dəstək paketi elan edib.

Yaponiya 126 milyon əhalinin hər nəfərə 930 dollar, ABŞ 80 milyon əhaliyə adambaşına 1200 dollar birbaşa yardım edib.

Azərbaycanda işsiz əhali üçün nəzərdə tutulan 190 manatlıq birdəfəlik yardım paketinə iddia edənlərin 350 min nəfərinə özünün və yoldaşının adına əmək müqaviləsi olduğuna, 100 minlərlə işsizə isə özünün və ya yoldaşının adında avtomobil və ya əmlak olduğuna görə imtina edilib. Bir sözlə imtina alanların sayı yardımın verilməsi üçün nəzərdə tutulan 600 min nəfərdən dəfələrlə çox olub. Əmək və əhalinin sosial müdafiəsi nazirliyi birdəfəlik yardım alanların siyahısını dərc etmədiyinə görə, bu yardımı alanların kimlikləri barədə məlumatlar hələ də bəlli deyil. Odur ki, sizləri bir daha Dövlət Neft Fondundan hər bir Azərbaycan vətəndaşına 250 manat ödəməklə bağlı müraciətə imza atmağa dəvət edirəm.

Link aşağıda yerləşdirilib.

https://www.change.org/p/ictimai-t%C9%99%C5%9F%C9%99bb%C3%BCsl%C9%99r-m%C9%99rk%C9%99zi-adamba%C5%9F%C4%B1na-250-manat-neft-pulu-verilsin?recruiter=20051204&utm_source=share_petition&utm_medium=facebook&utm_campaign=share_petition&utm_term=share_petition&recruited_by_id=e30c0740-1380-0130-4e3a-00221964dac8&utm_content=starter_fb_share_content_tr-tr%3Av1&fbclid=IwAR10oQSqKxJ-QOCFxXXgyc6kLvNVVcI4tsBvpt7_iaQcwbblczFSTv5ldhk