Tale Bağırzadə Milli Şura haqqında fikrini bildirdi-AÇIQLAMA

Tale Bağırzadə Milli Şura haqqında fikrini bildirdi-AÇIQLAMA

Müsəlman Birliyi Hərəkatının sədri, siyasi məhbus Tale Bağırzadənin Milli Şuranı tərk etməsi haqqında paylaşılan məlumata aydınlıq gətirildi.

Vetenugrunda.az-ın verdiyi xəbərə görə, bu gün Tale Bağırzadənin adına olan facebbok profilindən onun Milli Şuranı tərk etməsi haqqında paylaşılan status təxribat xarakteri daşıyırmış. Hərəaktadn verilən xəbərə görə, bu profil 2015-ci ildən oğurlanıb.

Müsəlman Birliyi Hərəkatının İdarə Heyətinin sədri Elçin Qasımlı bu gün Tale Bağırzadə ilə telefon əlaqəsi saxlayıb və onun fikirlərini ictmaiyyətə çatdırıb:

"Müsəlman Birliyi Hərəkatını sevən, dəstəkləyən hər bir kəs bu təşkilatın öz əqidəsinə sadiqliyini, ədalət prinsipini əsas ana xətt kimi müəyyənləşdirdiyini, milli mənəvi, İslami dəyərlər uğrunda mübarizə apardığını yaxşı bilir.

2015 ci ildə ağır represiyalara məruz qalan Hərəkatın haqlı olaraq müdafiəsinə qalxan, və sonacan hüquqlarını müdafiə edən məlum şəxslərə hər zaman minnətdar olduğunu, çətin günlərdə müxtəlif maneələrə baxmayaraq yanımızda olub bizə dəstək nümayiş etdirən insanlara vicdan borcumuzun olduğunu dəfələrlə bəyan etmişik.

Bütün bunlarla yanaşı MBH nin tam müstəqil bir təşkilat olduğunu, bütün qərarlarının idarə heyəti tərəfindən, ədalət prinsipinə uyğun verildiyini bir daha bəyan edirik. Ayrı ayrı şəxslərin, təşkilat və birliklərin səsləndirdiyi, milli və dini dəyərlərimizə zidd olan fikirlərin həmin şəxslərə, təmsil etdikləri birlik və təşkilatlara aid olduğunu, bu fikir və münasibətlərin nə Müsəlman Birliyi Hərəkatına, nə də onun sədrinə aid olmadığını bir daha bütün əzizlərin nəzərinə çatdırırıq.

Müsəlman Birliyi Hərəkatı tam müstəqil fikir və düşüncələrini bəyan edən və heç bir qurum və birlikdə olmayan, düzə düz, əyriyə əyri deməyi bacaran, hər zaman xalqına xidmət üçün çalışan bir təşkilatdır. Dostların nəzərinə çatdıraq ki, Hərəkatın lideri Tale Bağırzadə 2013 cü ildə hələ MBH təsis olunmamışdan öncə Milli Şuraya dəstək verib və bu gündə dəstək verməkdədir.

Adından yayılan Milli Şuranı tərk etmək məsələsi təmamilə yalan məlumatdır. Tale Bağırzadə hər kəsin bu günlərdə Milli Şuraya qarşı hücüma keçdiyi bir dönəmdə qurumu tərk etməyinin düzgün olmadığını, bu addımının ədalətsiz olacağını bildirdi. Müsəlman Birliyi Hərəkatının bütün üzvlərinə səbirli olmağı, sevənlərinə anlayış göstərdiklərinə görə minnətdarlığını bildirdi. Allahın salamı olsun sizlərə".