Samirə Hannum Braziliyada televiziya ulduzuna çevrilib

Samirə Hannum Braziliyada televiziya ulduzuna çevrilib

Hicablı xanım aşpazlığı ilə Braziliyada ulduza çevrildi

Samirə Hannum Latın Amerikası ölkəsindən olan milyonlarla teletamaşaçının qarşısına çıxaraq öz əl qabiliyyətlərini sərgiləyib və sonra bütün rəqiblərinə qalib gəlib.

Müsəlman xanım əla aşpazlıq bacarıqları ilə Braziliyada məşhurluq qazanıb. Belə ki, o, televiziyada keçirilən məşhur realiti-şouda qələbə qazanıb.

Samirə Hannum 13 həftə ərzində 20 Latın Amerikası ölkəsindən olan milyonlarla teletamaşaçının qarşısına çıxaraq öz əl qabiliyyətlərini sərgiləyib və sonra bütün rəqiblərini geridə qoyub.

Finalda Samirə 2 saat ərzində toy tortu bişirib, onun rəqibi isə öz resepti üzrə bişirmək istədiyi şeyi alındıra bilməyib.

"Rəqibim təşvişə düşərək öz reseptini hazırlaya bilməyib. Mən isə ona kömək etdim. O ağlayırdı, auditoriya və komissiya mənə təşəkkür etdi. İslam mənə məhz bunu (başqalarına yardım etməyi – red) öyrədib", – deyə Samirə bildirib.

Hicablı müsəlman xanım Braziliyada televiziya ulduzuna çevrilib

Şou zamanı bəzi reseptlərdə spirtdən istifadə tələb olunsa da, müsəlman xanım bu tələbdən imtina edib və bir dəfə də olsun, digər iştirakçıların hazırladıqlarının dadına baxmayıb. Rəqibləri isə onun dini baxışlarına hörmətlə yanaşaraq hansı məhsulda spirtin olub-olmaması barədə ona xəbərdarlıq ediblər.

Qələbəsindən bəri hicablı xanım Braziliyada şöhrət qazanıb – o, kitab buraxaraq məşhur baş aşpaza çevrilib. Üstəlik Samirə hər fürsətdəcə Latın Amerikası sakinlərini İslamla tanış edir.